Wetin di Baybul Se?
Udat na Setan?
YU GO SE Setan . . .
Na spirit pɔsin?
Na di bad tin we de na pɔsin in at?
Na jɔs sɔntin we mɔtalman kin imajin?
WETIN DI BAYBUL SE?
Setan bin tɔk wit Jizɔs ɛn “tray Jizɔs fɔ mek i du bad.” (Matyu 4:1-4) So Setan nɔto jɔs sɔntin we pɔsin kin imajin ɛn nɔto di bad tin we de na pɔsin in at. In na wikɛd spirit pɔsin.
WETIN BAK WI GO LAN FRƆM DI BAYBUL?
Setan na bin wan gud enjɛl, bɔt “i nɔ bin tinap tranga wan fɔ wetin tru.” (Jɔn 8:44, NW) I kam fɔ bi layman ɛn i tɔn in bak pan Gɔd.
Ɔda enjɛl dɛn bak bin jɔyn Setan fɔ tɔn dɛn bak pan Gɔd.—Rɛvɛleshɔn 12:9.
Setan de ful bɔku pipul dɛn fɔ mek dɛn nɔ biliv se i de.—Sɛkɛn Lɛta Fɔ Kɔrint 4:4.
Yu tink se Setan de kɔntrol pipul dɛn?
SƆM PIPUL DƐN SE dɛn nɔ biliv se Setan ebul kɔntrol mɔtalman, ɛn ɔda pipul dɛn de fred fɔ lɛ wikɛd spirit nɔ kɔntrol dɛn. Wetin yu tink?
WETIN DI BAYBUL SE?
Na “Setan de rul di ol wɔl.” (Jɔn In Fɔs Lɛta 5:19) Setan de du ɔl wetin i ebul fɔ du fɔ kɔntrol mɔtalman, bɔt nɔto ɔlman i de kɔntrol.
WETIN BAK WI GO LAN FRƆM DI BAYBUL?
Setan de lay fɔ mek i go kɔntrol bɔku pipul dɛn.—Sɛkɛn Lɛta Fɔ Kɔrint 11:14.
Sɔm tɛm dɛn de wikɛd spirit dɛn kin kɔntrol pipul dɛn.—Matyu 12:22.
If yu alaw Gɔd fɔ ɛp yu, yu go ebul fɔ “tinap fɔ fɛt Setan.”—Jems 4:7.
