သ့ဝဲလီၤ. ပှၤလၢအဲၣ်ဒိးဟးထီၣ်လၢ တၢ်ကရၢကရိအပူၤန့ၣ် မၤဝဲ သ့လၢကျဲခံဘိလီၤ–

•    ခီဖျိလၢဒုးသ့ၣ်ညါပှၤ လီၤတံၢ်လီၤဆဲး. ပှၤတဂၤမ့ၢ်တအဲၣ်ဒိးကဲလၢၤ ယဟိဝၤပှၤအုၣ်အသးန့ၣ် ကွဲးဒုးသ့ၣ်ညါပှၤလၢလံာ် မ့တမ့ၢ် လၢတၢ်ကတိၤသ့ဝဲလီၤ.

•    ခီဖျိလၢတၢ်မၤ. ပှၤတဂၤမ့ၢ်တအဲၣ်ဒိးကဲလၢၤ ယဟိဝၤပှၤအုၣ်အသးန့ၣ် ပာ်ဖျါထီၣ်ဝဲလၢ အတၢ်မၤတမံၤမံၤသ့လီၤ. (၁ ပ့းတရူး ၅:၉) အဒိ, ဘၣ်သ့ၣ်သ့ၣ် အဝဲကလဲၤနုာ်လီၤလၢ တၢ်ဘူၣ်တၢ်ဘါအဂၤ ဒီးပာ်ဖျါထီၣ်ဝဲလၢ အဝဲအဲၣ်ဒိးဆဲးပၣ်ဃုာ်လၢ တၢ်ဘူၣ်တၢ်ဘါအဝဲန့ၣ်အပူၤလီၤ.—၁ ယိၤဟၣ် ၂:၁၉.

 ပတထံၣ်အီၤဒ်န့ၣ်ဘၣ်. ပှၤလၢအဟးထီၣ်လၢတၢ်ကရၢကရိအပူၤ မ့တမ့ၢ် ထုးလီၤဖးအသးဒီး တၢ်အိၣ်ဖှိၣ်န့ၣ် လီၤဆီလိာ်အသးဒီး ပှၤလၢအတၢ်စူၢ်တၢ်နာ်အဂံၢ်အဘါလီၤစၢ်ဝဲန့ၣ်လီၤ. ပှၤလၢအသးအဂံၢ်အဘါလီၤစၢ် မ့တမ့ၢ် ပတုာ်ကွံာ်တၢ်ဘူၣ်ထီၣ်ဘါထီၣ်န့ၣ် တမ့ၢ်လၢအဝဲသ့ၣ်စူးကွံာ်ညိကွံာ်ဝဲ အတၢ်စူၢ်တၢ်နာ်ဘၣ်. ပှၤဒ်န့ၣ်တဖၣ်န့ၣ် ပတဟးဆှဲးအီၤဘၣ်. လၢတၢ်န့ၣ်အလီၢ် ပဂုာ်ကျဲးစၢး ဟ့ၣ်ဂံၢ်ဟ့ၣ်ဘါအီၤ ဒီးမၤစၢၤအီၤလီၤ. (၁ သ့းစၤလနံ ၅:၁၄; ယူဒၤ ၂၂) အဝဲသ့ၣ်မ့ၢ်အဲၣ်ဒိး ဒိးန့ၢ်ဘၣ်တၢ်မၤစၢၤလၢနီၢ်သးတခီန့ၣ် တၢ်အိၣ်ဖှိၣ်သးပှၢ်တဖၣ် ကမၤစၢၤအီၤလီၤ.​—ကလၤလံ ၆:၁; ၁ ပ့းတရူး ၅:၁-၃.

 ဘၣ်ဆၣ် တၢ်အိၣ်ဖှိၣ်သးပှၢ်တဖၣ် တအိၣ်ဒီးတၢ်ခွဲးတၢ်ယာ်လၢ ကမၢဆူၣ်ပှၤဂၤ ဒ်သိးကဆဲးကဲယဟိဝၤပှၤအုၣ်အသးဘၣ်. ပှၤတဂၤစုာ်စုာ် ကဘူၣ်ထီၣ်ဘါထီၣ်ဃုာ်ဒီး တၢ်ဘူၣ်တၢ်ဘါဖဲလဲၣ်တခါလဲၣ်န့ၣ် အဝဲသ့ၣ်ကဘၣ်ဆၢတဲာ်ဝဲလၢ အနီၢ်ကစၢ်ဒၣ်ဝဲလီၤ. (ယိၤၡူ ၂၄:၁၅) ပနာ်လၢပှၤလၢအဘူၣ်ထီၣ်ဘါထီၣ်ကစၢ်ယွၤန့ၣ် ကဘၣ်ဘူၣ်ထီၣ်ဘါထီၣ်ဝဲလၢ တၢ်သူၣ်အိၣ်သးအိၣ် ဒီးလၢအသးဒီဖျၢၣ်လီၤ.—စံးထီၣ်ပတြၢၤ ၁၁၀:၃; မးသဲ ၂၂:၃၇.