Mvula 2022 kele aniversere ya bamvula 100 ya Bambangi ya Yehova na Colombie. a

Na 1922, Heliodoro Hernández, yina vuandaka ntangi ya ngolo ya Biblia, vuandaka deva mikanda mingi ya Yinzo’a zulu ya Nkengi na nkundi na yandi mosi yina vuandaka ve mosi ya Mbangi ya Yehova. Heliodoro bakusaka na nsualu ti yandi monaka kedika mpe yandi bandaka kukabula yau na bantu yankaka. Na manima ya kusamuna bamvula zole, yandi kutanaka na Juan Estupiñán, yina sanganaka na yandi samu na kusamuna nsangu ya mbote. Bau nionso zole bakaka mbotama na 1932.

Na manima, sosiete ya Watchtower tindilaka mpangi Hernández mpe Estupiñán mashini mosi ya mbote yina kesalaka baanrejistrema ya badiskur. Bavuandaka sadila mashini yango samu na kusadisa bantu bakuwa badiskur yina vuandaka tubila mambu metadila Biblia, na kifuani “Luvunu ya butatu memonana” mpe “nsuka ya yinza,” na bantu yina vuandaka zinga na bamongo ya Andes. Lokola dibundu ya catholique vuandaka na bupusi mingi na kizunga yango, mbala mingi bavuandaka telemina bau.

Bamisionere yina katukaka na Gileade kuizaka na 1945. Mosi ya bamisionere yango, Mpangi Olaf Olson, yandi tubilaka disolo ya luzingu na yandi na manima: “Grâce au puissant esprit de Jéhovah, les fondements du culte pur sont en train d’être posés en Colombie.”

Samu kisalu salama mbotembote, batulaka biro ya filiale na Colombie, yina bandaka kusala na kilumbu ya 1 Mai 1946. Mpangi Arthur Green, yina vuandaka muntu ya ntete yina salaka na biro yango ya filiale, sonikaka: “Na nzila ya mpeve ya Yehova, nsambudulu ya kedika kena kutulama na buala ya Colombie.”

Bubu yayi, yakele na Bambangi ya Yehova kana 190 000 yina kena kusamuna nsangu ya mbote na Colombie na vema nionso.

Colombie mezabana samu na ntoto na yau yina kele ya mbote mpe na mabanga na yau ya ntalu. Kasi kitoko na yau ya kedika kele na “bima ya mfunu,” bantu yina Yehova kena kubenda na ntadisi na yandi. Beto kele na kiese kumona mutindu Yehova kena kutatamana kusakumuna kisalu yina kena kufulusala ‘yinzo na yandi na nkembo.’—Agai 2:7.