Ngana 5:1-23
5 E mwan’ame, wá ngangu zame.
Tamba matu muna umbakuzi wame,+
2 Kimana walunda e ndwenga zakuYo tatidila zayi muna lubini lwaku.+
3 Kadi e mvovo mia* nkento a kimpumbulu* miazenza nze wiki,+O nu’andi walelomoka nze mazi.+
4 Kansi kuna kulanda, wandudi nze nlulu,+Watwa nze nsosolo a meno mole.+
5 Malu mandi mekulumuka kuna lufwa.
E tambi yandi ifilanga muna Ziami.*
6 Ke sianga sungididi muna nzila a moyo ko.
Oyungananga, lembi zaya kuna kakwenda.
7 Owau, e wan’ame, nungwila,Ke nuvengomoki muna mvovo mia nu’ame ko.
8 Kumfinama ko;Kufinama vana mwelo a nzo andi ko,+
9 Kimana walembi vana zitu waku kw’akaka+Ngatu yima mvu miampasi;+
10 Kimana anzenza balembi fokola tusalu twaku,*+O mfutu a salu kiaku walembi manina muna nzo a nzenza.
11 Avo ke wau ko, okunga kuna mbaninu a zingu kiakuVava ngolo zaku ye nitu aku itovoka.+
12 Yo vova vo: “Ekwe mpila yamengena e longi!
Ekwe mpila ntim’ame wabembolwela lusembo!
13 Kiawá ndinga y’aludiki ame koNgatu tamba matu kwa alongi ame.
14 Fioti fiasala nga yabwa emvimba muna mpasiVana meso ma nkutakani yawonso.”+
15 Nuina maza muna sima kiakuYo maza mefwafumukanga* muna nto aku.+
16 E nto zaku nga zifwete mwangana kuna mbazi,Ye nkukula za maza maku muna ntanda?*+
17 Yambula zakala za ngeye mosi kaka,Ke za nzenza bena yaku ko.+
18 Yambula nto aku yasambulwa,Wamwena kiese muna nkento a kitoko kiaku,+
19 Nsese anzodi, nkombo ambote a miongo.
Yambula ntulu* zandi zayangidika* ntangwa zawonso.+
E nzol’andi yamwesa e kiese ntangwa zawonso.+
20 E mwan’ame, ekuma oyambulwila vo nkento wa munta-zumba* kavukumunaYovo wabimbakana ntulu za nkento una vo kimpumbulu?*+
21 Kadi e nzila za muntu zina vana meso ma Yave;Ofimpanga mayendelo mandi mawonso.+
22 E kimpumbulu obakama muna masumu mandi,Yo kangama muna nsinga mia sumu diandi.+
23 Ofwila muna kondwa kwa longiYo tungianina muna uzowa wandi wayingi.
Mvovo vana yand'a lukaya
^ Mvovo wa sina: “befo ya.”
^ Mvovo wa sina: “nzenza.” Tala Ngana 2:16.
^ Yovo “Seol,” i sia vo, ziami kia wantu awonso. Tala Nsas’a Mvovo.
^ Yovo “nkum’aku.”
^ Yovo “maza manzizi.”
^ Yanzala kiakutakenanga nkangu mu teka, sumba lekwa yo tela mambu.
^ Yovo “mayeno.”
^ Yovo “zakolesa.”
^ Mvovo wa sina: “nzenza.” Tala Ngana 2:16.
^ Mvovo wa sina: “nzenza.” Tala Ngana 2:16.