Nga Ungunza wa Bibila Usonganga vo Yesu i Masia?

WINIKINA MU

Mvutu za Bibila

Ingeta. Vava kakala ova ntoto, Yesu walungisa ungunza wayingi wavovela “Masia wa Mfidi” ona okala se “Mvuluzi a nza.” (Daniele 9:25; 1 Yoane 4:14) Kana nkutu kuna nim’a lufwa lwandi, Yesu wakwamanana lungisa ungunza uvovelanga o Masia.—Nkunga 110:1; Mavangu 2:34-36.

Ayeyi i nsas’a mvovo “Masia”?

O mvovo wa Kiyibere Mashíahh (Masia) ye mvovo wa Kingerekia Khristós (Kristu), una ye nsasa vo “Kusua.” Ozevo, “Yesu Kristu” disongele vo “Yesu wa Kusua” yovo “Yesu wa Masia.”

Kuna nz’ankulu, vava muntu katambulanga kiyekwa kia mfunu, wakusuanga mazi vana ntu. (Levitiku 8:12; 1 Samuele 16:13) Nzambi wasola Yesu mu kala se Masia, i sia vo, wamvana wisa kiakala se Mfumu. (Mavangu 2:36) Kansi, vana fulu kiakusa Yesu ye mazi, Nzambi wankusa muna mwand’avelela.—Matai 3:16.

Nga ungunza uvovelanga Masia ulenda lunganena mu wantu ayingi?

Ve. Wauna sinsu ya moko (impressão digital) isunzulwilanga muntu mosi kaka, e ndungan’a ungunza wa Bibila wayikanga kaka Masia mosi yovo Kristu. Kansi, Bibila kilukisanga vo: “Kristu zaluvunu ye ngunza zaluvunu zibundumuka yo vanga sinsu yanene ye masivi mu vava vukumuna kana nkutu awana basolwa.”—Matai 24:24.

Nga Masia wadi moneka kuna sentu?

Ve. Bibila kiasakula vo Masia okala se mbongo a Davidi wa Ntinu a Isaele. (Nkunga 89:3, 4) Kansi, e nkanda miasonganga awana bakala muna luvila lwa Davidi miavila. Nanga ediadi diavangama vava esi Roma bafwasa Yerusaleme muna mvu wa 70 wa tandu kieto. a Tuka kolo kiakina, kavena muntu ko olenda vova ye ziku kiawonso vo oyandi musi kanda dia Davidi. Kansi, e nkanda miami, miakala muna lumbu ya Yesu, kana nkutu mbeni zandi ke bakatikisanga ko vo Yesu musi kanda dia Davidi.—Matai 22:41-46.

a O nkanda Cyclopedia de McClintock ye Strong uvovanga vo: “Nanga e nkanda mia tuvila twa makanda ma Ayuda miafwaswa muna kolo kina Yerusaleme yafwaswa.”

Ungunza kwa wasonama muna Bibila uvovelanga Masia?

Diampasi mu yika lutangu lwasikididi lwa ungunza wawonso uvovelanga Masia. Muna bonga e nona, e mpila ya tangila lutangu lwa ungunza ilenda swaswana, kana nkutu muna sono ina ivovelanga Masia mu mpila yakiá. E sono kia Yesaya kapu kia 53:2-7, kiyikanga mambu mayingi mu kuma kia Masia. Vena ye wantu balenda badikila e sono kiaki kiawonso nze ungunza umosi, kansi akaka balenda badikila konso diambu diyikilu mu sono kiaki vo ungunza.

Ungunza wankaka uvovelanga Masia walungana muna Yesu

Ungunza	Wasonama muna	Walungana muna
Mbongo a Abarayama	Tuku 22:17, 18	Matai 1:1
Mbongo a Isaki wa mwan’a Abarayama	Tuku 17:19	Matai 1:2
Owutukila muna kanda dia Yuda, dia Isaele	Tuku 49:10	Matai 1:1, 3
Muna luvila lwa Ntinu Davidi	Yesaya 9:7	Matai 1:1
Owutwa kwa mwenze	Yesaya 7:14	Matai 1:18, 22, 23
Owutukila muna Beteleme	Mika 5:2	Matai 2:1, 5, 6
Oyikilwa vo Imanuele b	Yesaya 7:14	Matai 1:21-23
Lubantiku lwa sakalala	Yesaya 53:2	Luka 2:7
Wana bevondwa vava kewutuka	Yeremiya 31:15	Matai 2:16-18
Obokelwa tuka kuna Engipito	Osea 11:1	Matai 2:13-15
Oyikilwa vo musi Nazarete c	Yesaya 11:1	Matai 2:23
Ntumwa okubika e nzila	Malaki 3:1	Matai 11:7-10
Okusua se Masia muna mvu wa 29 T.K. d	Daniele 9:25	Matai 3:13-17
Nzambi okunyikila vo Mwan’andi	Nkunga 2:7	Mavangu 13:33, 34
Okala yo vema muna nzo a Nzambi	Nkunga 69:9	Yoane 2:13-17
Nteleki a nsangu zambote	Yesaya 61:1	Luka 4:16-21
E salu kia umbangi kuna Ngalili kikala se ntemo ayingi	Yesaya 9:1, 2	Matai 4:13-16
Ovanga masivi nze Mose	Nsiku 18:15	Mavangu 2:22
Nze Mose ozayisa mvovo mia Nzambi	Nsiku 18:18, 19	Yoane 12:49
Owuka wantu ayingi	Yesaya 53:4	Matai 8:16, 17
Ke tunta sungididi kwa yandi kibeni ko	Yesaya 42:2	Matai 12:17, 19
Ofwila e nkenda awana bemonanga e mpasi	Yesaya 42:3	Matai 12:9-20; Maku 6:34
Osonga unsongi wa Nzambi	Yesaya 42:1, 4	Matai 12:17-20
Nludiki a Sivi	Yesaya 9:6, 7	Yoane 6:68
Osamuna nkumbu a Yave	Nkunga 22:22	Yoane 17:6
Olongela muna yingana	Nkunga 78:2	Matai 13:34, 35
Mfidi	Daniele 9:25	Matai 23:10
Ayingi ke bekwikila muna yandi ko	Yesaya 53:1	Yoane 12:37, 38
Tadi dia tela sakuba	Yesaya 8:14, 15	Matai 21:42-44
Obembolwa kwa wantu	Nkunga 118:22, 23	Mavangu 4:10, 11
Omengwa kondwa kuma	Nkunga 69:4	Yoane 15:24, 25
Okota muna Yerusaleme nze ntinu vana ntandu a buluku	Zakariya 9:9	Matai 21:4-9
Osanisinua kwa yingiana-ngiana	Nkunga 8:2	Matai 21:15, 16
Okwizila muna nkumbu a Yave	Nkunga 118:26	Yoane 12:12, 13
Oyekolwa kwa nkundi ona kebunda e vuvu	Nkunga 41:9	Yoane 13:18
Oyekolwa muna 30 ma palata e	Zakariya 11:12, 13	Matai 26:14-16; 27:3-10
Obembolwa kwa akundi andi	Zakariya 13:7	Matai 26:31, 56
Osokelwa mambu kwa mbangi za luvunu	Nkunga 35:11	Matai 26:59-61
Ke ziula nua ko kwa awana bekumfunda	Yesaya 53:7	Matai 27:12-14
Otaulwilwa mete	Yesaya 50:6	Matai 26:67; 27:27, 30
Bekunwanda vana ntu	Mika 5:1	Maku 15:19
Bekunwanda	Yesaya 50:6	Yoane 19:1
Oyambula vo banwanda	Yesaya 50:6	Yoane 18:22, 23
Ofundwa kwa mfumu za ayadi	Nkunga 2:2	Luka 23:10-12
Okomwa muna malu ye moko vana nti ampasi	Nkunga 22:16	Matai 27:35; Yoane 20:25
Betela mvuatu miandi nkas’a mienze	Nkunga 22:18	Yoane 19:23, 24
Osiwa kumosi ye yimpumbulu	Yesaya 53:12	Matai 27:38
Ovezwa yo tiangunua	Nkunga 22:7, 8	Matai 27:39-43
Omweswa mpasi mu kuma kia asumuki	Yesaya 53:5, 6	1 Petelo 2:23-25
Okala nze yandi oyambwilu kwa Nzambi	Nkunga 22:1	Maku 15:34
Ovewa vinagre ye mbilubisu kanua	Nkunga 69:21	Matai 27:34
Omona vuina vitila kafwa	Nkunga 22:15	Yoane 19:28, 29
Oyekeka mwand’andi kwa Nzambi	Nkunga 31:5	Luka 23:46
Ovana moyo andi	Yesaya 53:12	Maku 15:37
Ovana moyo andi se lukûlu mu sukisa masumu	Yesaya 53:12	Matai 20:28
E visi yandi ke itololwa ko	Nkunga 34:20	Yoane 19:31-33, 36
Otobolwa	Zakariya 12:10	Yoane 19:33-35, 37
Ozikwa ye amvuama	Yesaya 53:9	Matai 27:57-60
Ofutumunua muna mafwa	Nkunga 16:10	Mavangu 2:29-31
O nyekodi ovingwa kwa muntu ankaka	Nkunga 109:8	Mavangu1:15-20
Ovuanda vana koko kwalunene kwa Nzambi	Nkunga 110:1	Mavangu 2:34-36

b E nkumbu a Kiyibere Imanuele ina ye nsasa vo “Nzambi Una Yeto,” itoma sasilanga kiyekwa kia Yesu se Masia. Mana kavanga vava kayiza ova ntoto, masonga vo Nzambi una ye asambidi andi.—Luka 2:27-32; 7:12-16.

c O mvovo “musi Nazarete” nanga mu mvovo wa Kiyibere neʹtser watuka una ye nsasa vo “ntombo.”

d Muna zaya diaka mankaka mu kuma kia lusansu lwa Bibila lusonganga vo Masia wamoneka muna mvu wa 29 wa T.K. tala Nkubika “Ungunza wa Daniele Aweyi Wazayisila Ngiz’a Masia?”.

e O ungunza wau una muna nkand’a Zakariya, kansi nsoneki a nkand’a Matai wavova vo: “Dialungana dina diavovua muna Yeremiya wa ngunza.” (Matai 27:9) Ediadi disonganga vo nkumbu miayingi o nkanda wa Yeremiya wasiwanga va fulu kiantete muna kunku kia nkanda miyikilwanga vo “Ngunza.” (Luka 24:44) Nanga Matai wasadila nkumbu a “Yeremiya” muna yika kunku kiawonso kia nkanda miami kumosi ye nkand’a Zakariya.

Nanga Oyangalela Mpe Malongi Mama

MALONGI MA BIBILA

Teza Longoka Yeto e Bibila

Longoka Bibila mu ngovo muna ntu mia mambu.

MVUTU ZA YUVU YA BIBILA