Ve. Mbangi za Yave bekwikilanga vo Nzambi wasema lekwa yawonso. Kansi ke tukwikilanga ko vo mu lumingu lumosi kasema e nza. Ekuma? Kadi e ngindu zazi ke zina ngwizani ko yo Nkand’a Nzambi. Badika nona yole ilende:

1.   Kolo kia lumbu sambanu ya nsema. Awana bekwikilanga vo e nza mu lumbu sambanu yasemwa beyindulanga vo e lumbu yayi i lumbu ya ola 24. Kansi o mvovo “lumbu” muna Nkand’a Nzambi ulenda yika kolo kianda.—Etuku 2:4; Nkunga 90:4.

2.   Mvu mia ntoto. Awana bekwikilanga vo e nza mu lumbu sambanu yasemwa belonganga vo tandu yakete kaka iviokele kala tuka ntoto wasemenwa. Kansi Nkand’a Nzambi usonganga vo o ntoto yo nsema wakikadila vitila lumbu sambanu ya nsema. (Etuku 1:1) Muna kuma kiaki, Mbangi za Yave ke bekatikisanga ko e ziku ya mvavulula za akwa ngangu za nza zisonganga vo o ntoto mafunda ye mafunda ma tandu uviokese kala tuka wasemenwa.

 Yeto Mbangi za Yave kana una vo tukwikilanga muna nsema, ke tubembolanga e ngangu za nza (ciência) ko. Tukwikilanga vo e ngangu zakieleka za nza ngwizani zina yo Nkand’a Nzambi.