ມີຜູ້ອອກແບບບໍ?
ເປືອກທີ່ຮັບແຮງກະທົບຂອງໝາກກ້ຽງໃຫຍ່
ໝາກກ້ຽງໃຫຍ່ເປັນພືດຕະກູນໝາກກ້ຽງ ມີລັກສະນະເປັນຕົ້ນໄມ້ຢືນທີ່ມີໝາກຂະໜາດໃຫຍ່. ເຖິງວ່າໝາກກ້ຽງໃຫຍ່ຈະຕົກຈາກຕົ້ນທີ່ສູງເຖິງ 10 ແມັດ ແຕ່ໜ່ວຍກໍບໍ່ແຕກ! ເປັນຫຍັງໝາກກ້ຽງໃຫຍ່ຈຶ່ງຮັບແຮງກະທົບໄດ້ເປັນຢ່າງດີ?
ລອງຄິດເບິ່ງ: ນັກຄົ້ນຄວ້າພົບວ່າເປືອກທາງໃນຂອງໝາກກ້ຽງໃຫຍ່ທີ່ເປັນເນື້ອສີຂາວມີລັກສະນະອ່ອນນຸ່ມຄືຟອງນ້ຳ. ເນື້ອສີຂາວນີ້ປະກອບດ້ວຍຈຸຫຼັງຈຳນວນຫຼາຍທີ່ເຊື່ອມຕໍ່ກັນເປັນໂຄງສ້າງທີ່ມີປ່ອງວ່າງລະຫວ່າງຈຸລັງ. ແຮ່ງເຂົ້າໄປໃກ້ສ່ວນກາງຂອງໝາກກ້ຽງໃຫຍ່ຫຼາຍເທົ່າໃດ ກໍແຮ່ງຈະມີປ່ອງວ່າງລະຫວ່າງຈຸລັງຫຼາຍຂຶ້ນເທົ່ານັ້ນ ແລະໃນປ່ອງວ່າງເຫຼົ່ານັ້ນຈະມີອາກາດຫຼືຂອງແຫຼວເຊິ່ງເຮັດໜ້າທີ່ເປັນເບາະຮອງຮັບແຮງກະທົບ. ດັ່ງນັ້ນເມື່ອໝາກກ້ຽງໃຫຍ່ກະທົບໃສ່ພື້ນ ໂຄງສ້າງຂອງເນື້ອສີຂາວຈະອັດແໜ້ນຮ່ວມກັນແລະຊ່ວຍຮັບແຮງກະທົບເຮັດໃຫ້ໜ່ວຍບໍ່ແຕກ.
ນັກວິທະຍາສາດກຳລັງທົດລອງຄວາມສາມາດໃນການຮັບແຮງກະທົບຂອງໂຟມໂລຫະທີ່ຮຽນແບບໂຄງສ້າງຂອງເປືອກໝາກກ້ຽງໃຫຍ່. ເຂົາເຈົ້າເຊື່ອວ່າໂຄງສ້າງທີ່ຄ້າຍຄືກັນນີ້ອາດຈະເອົາໄປໃຊ້ໃນການຜະລິດໝວກກັນກະທົບສຳລັບຜູ້ຂັບຂີ່ລົດຈັກ ອອກແບບຍານພາຫະນະໃຫ້ມີຄວາມປອດໄພຫຼາຍຂຶ້ນເມື່ອມີອຸບັດຕິເຫດເກີດຂຶ້ນ.
ເຈົ້າຮູ້ບໍ? ຄວາມສາມາດໃນການຮັບແຮງກະທົບຂອງເປືອກໝາກກ້ຽງໃຫຍ່ເກີດຈາກວິວັດທະນາການບໍ? ຫຼືມີຜູ້ອອກແບບ?
ເລື່ອງທີ່ເຈົ້າອາດຈະມັກ
ປຶ້ມແລະຈຸນລະສານ
ມີຜູ້ສ້າງສິ່ງທີ່ມີຊີວິດບໍ?
ສິ່ງທີ່ເຈົ້າເຊື່ອກ່ຽວກັບການເລີ່ມຕົ້ນຊີວິດເປັນເລື່ອງທີ່ສຳຄັນ