Batili, Lipaki za Jehova habafangi zabulishumi; musebezi waluna ulifelwa ka linubu za kuitatela mi haluzibahazangi batu bao. Kulifa zabulishumi kutalusañi, mi ki kabakalañi Lipaki za Jehova habasa ezangi cwalo?

 Taelo ya kufa zabulishumi neli yeñwi ya litaelo za mwa Mulao one bafilwe Maisilaele ba kwaikale. Niteñi, Bibele ibulela hande ka kuutwahala kuli Bakreste habatokwi kumamela Mulao wo, kukopanyeleza cwalo ni “taelo ya kuunga zabulishumi kwa batu.”​—Maheberu 7:5, 18; Makolose 2:13, 14.

 Kufita kufa zabulishumi kamba linubu zetomilwe, Lipaki za Jehova balikanyisa mutala wa Bakreste ba kwa makalelo mi balifela musebezi wabona mwa linzila zepeli: ka kueza musebezi wa kukutaza ni kuluta batu Bibele kusina kulifiwa sesiñwi, ni ka kuzwisa linubu za kuitatela.

 Kacwalo, lulatelela ketelelo ya mwa Bibele yeñolezwi Bakreste ye, yeli: “Mutu ni mutu azwise ka mwaatulezi mwa pilu yahae, isiñi ka lukokoto kamba ka kuhapelezwa, kakuli Mulimu ulata yafana inze atabile.”​—2 Makorinte 9:7.