Le I Bika Byombwanya Kulomba?
Bilondolola Bible
Ubwanya kulomba kintu kyo-kyonso kikwatañene na kiswa-mutyima kya Leza monka mokilombwedilwe mu Bible. “Shi tumulombe kintu kyonso, shi kika shi kika, mwendele kiswa-mutyima [kya Leza], witwivwananga.” (1 Yoano 5:14) Le ubwanya kulomba’mo ne myanda ikutala? En-en. Bible unena’mba: “Pungulwilai mityima yenu ku meso [a Leza].”—Ñimbo ya Mitōto 62:8.
Bintu bya kulomba
Lwitabijo mudi Leza.—Luka 17:5.
Mushipiditu ujila, nansha bukomo bwa Leza bwingila, bwa kukukwasha ulonge byoloke.—Luka 11:13.
Bukomo bwa kulwa na makambakano ne kukomena matompo.—Bene Fidipai 4:13.
Ndoe ya mutyima ne kutūkija mutyima.—Bene Fidipai 4:6, 7.
Tunangu twa mwa kukwatyila butyibi buyampe.—Yakoba 1:5.
Bisakibwa bya difuku ne difuku.—Mateo 6:11.
Kulekelwa bubi.—Mateo 6:12.
Tala'po Bidi ne Bino:
KITEBA KYA MULAMI
Le I Muswelo’ka Obwanya Kulombela Amba Leza Akwivwane?
Wisambe na Leza mu kifuko kyo-kyonso ne kitatyi kyo-kyonso, na diwi ditunduke nansha mundamunda. Yesu i mwitukwashe tuyuke bya kunena.
BIPANGUJO BYA MU BIBLE BILONDOLWELWE
Mwanda Waka Leza Kevwanangapo Milombelo Imoimo?
Wifunde kuyuka i milombelo ya muswelo’ko keilondololwangapo na Leza ne bantu kebevwanikwangapo na Leza.
