Bantemu ba Yehowa mbasue kukuleja mushindu muimpe mukumbane wa wewe kulonga malu adi mu Bible. Programe wetu wa dilongeshangana Bible udi mua kukuambuluisha bua:

•   kuikala ne nsombelu wa disanka

•   kulua mulunda wa Nzambi

•   kumanya malu adi Bible mutulaye matuku adi kumpala

Malu awabala mu tshitupa etshi:

•  Mmushindu kayi utu dilonga dia Bible dienzeka?

•  Nengikale ne bua kufuta anyi?

•  Nedingangate matuku bungi kayi?

•  Ndia kubanga mushindu kayi?

•  Ndi mua kuanji kutetaku kadiosha anyi?

•  Meme muanyishe bua kulonga Bible, kabakunsuya anu bua ne: ndue Ntemu wa Yehowa anyi?

•  Ndi mua kulonga ne Bible wanyi meme anyi?

•  Ndi mua kubikila bakuabu bua babuele mu dilonga edi anyi?

•  Kadi muntu ukavua mulonge Bible ne Bantemu ba Yehowa kale, udi mua kulonga kabidi anyi?

•  Kanuenaku ne programe wa muntu udilongela nkayende Bible kayi ne mulongeshi anyi?

 Muntu yeye ukulongesha, neakuambuluishe bua umanye Bible bimpe bualu ku bumue ku bumue. Kulongela Bible mu mukanda wa Shala ne muoyo kashidi! nuenda nuyukila nekukuambuluishe bua wende umanya malongesha a mu Bible bimpe bimpe ne umone dikuatshisha diawu. Bua kumanya malu makuabu, tangila filme eu.

 Tòo. Bantemu ba Yehowa batu batumikila mubelu uvua Yezu mupeshe bayidi bende wa ne: “Nuvua bapete tshianana, nufile tshianana.” (Matayi 10:8) Kabidi, nansha bintu bia kulonga nabi (bu mudi Bible ne mukanda wa Shala ne muoyo kashidi!), kabatu babipanyisha to.

 Dilonga dionso dijima didi ne malongesha 60. Wewe nkayebe nguadisunguila muikala luendu anyi lubilu lua dilonga diebe; kadi balongi ba bungi batu basanka bua kujikija dilongesha dimue anyi a bungi ku lumingu.

1.  1. Uwuja formilere wa ku Enternete eu. Netuangate mamanyisha adi akutangila awikala mufundamu anu bua kukukumbajila dilomba diebe dia Ntemu wa Yehowa kupetangana nebe.

2.  2. Mulongeshi neakukebe. Mulongeshi webe neakumvuije bionso bidi bikengedibua bua dilonga diebe dia Bible dia nuenda nuyukila ne neakuandamune nkonko yonso iudi mua kuikala nayi.

3.  3. Numvuangane ne mulongeshi webe munualonga. Nudi mua kulonga basombe pamue anyi kulongela ku telefone, ku biamu bia numuenangana kule, mu mikanda ya nufundilangana anyi mu mesaje. Pa tshibidilu, dilonga ditu diangata pabuipi ne dîba dijima ku musangu, kadi nudi mua kuipidija dîba adi anyi kudilepesha bilondeshile muikala programe webe.

 Menemene. Bua kuenza nanku, uwuja formilere wa ku Enternete eu. Panuapetangana ne mulongeshi, muleja ne: udi musue kuanji kuteta kadiosha ka dilonga edi bua kumona ni diakusankisha. Dîba adi yeye neakubueje mu broshire wa Shala ne muoyo kashidi! udi ne malongesha 3 a kubanga nawu bua wewe kumona dilonga edi ni didi mua kukusankisha.

 Tòo. Tuetu Bantemu ba Yehowa tutu basue kulongesha bantu Bible, kadi katutu tuenzeja anyi tusuya muntu bua kubuela mu ntendelelu wetu nansha. Tshitutu tuetu tuenza nkuleja tshidi Bible wamba ne kanemu konso, bamanye ne: muntu ne muntu udi ne bukenji bua kudisunguila malongesha adiye witaba.​—1 Petelo 3:15.

 Eyowa, angata nkudimuinu wa Bible yonso uudi musue. Nansha tuetu tusanka bua kulongesha ne Bible​—Nkudimuinu wa bulongolodi bupiabupia udi mujalame muikale ne muakulu mupepele, tudi bamanye ne: bavule batu basue nkudimuinu ya Bible ikadibu bibidilangane nayi.

 Eyowa. Udi nansha mua kubikila kabidi dîku dienu dijima anyi balunda bebe bonso bawasua kubikila abu.

 Eyowa. Mu kuamba kuimpe, programe wa mpindieu wa dilonga eu neasankishe bantu bikole kupita muvuabu balonge kumpala, bualu eu mprograme muakajulula bilondeshile majinga adi nawu bantu lelu. Eu programe wa dilonga dia Bible yeye udi nangananga ne bia kubandila bia bungi ne ngua nutamba kuyikila kupita programe ya kumpala.

 Udiku. Nansha mutu balongi ba bungi batamba kulonga bimpe padibu ne muntu udi ubalongesha, bamue batu bajinga kuanji kudilongela bobu nkayabu. Muaba udi Bintu bietu bia kulonga nabi Bible mbalejapu bintu biwalonga nabi kuyi ufuta ne bintu bikuabu bidi mua kukuambuluisha mu dilonga diebe dia Bible. Biudi pamuapa mua kutamba kuanyisha mbiobi ebi:

•   Malongesha a mu dilonga dia Bible dia ku Enternete. Aa mmalongesha a udilongela anu ne tshiamu tshiebe adi afila mandamuna a nkonko kampanda minene ya mu nsombelu, bu mudi: Nzambi nnganyi? Bua tshinyi kudi makenga ne malu mabi? Nzambi neajikijaku makenga dituku dikuabu anyi?

•   Filme ya malu a mu Bible. Ntumalongesha tuîpi tulongoluela mu tufilme kadi tuikale tumvuija malongesha manene a mu Bible.

•   Mandamuna a nkonko ya mu Bible. Ebi mbiena-bualu bidi ne mandamuna a nkonko ya mishindu ne mishindu ya malu a mu Bible.

•   Diumvuija dia mvese kampanda ya mu Bible. Buelamu upete diumvuija dia mvese ne mêyi ayi bitu bantu ba bungi bamanye.