Tshikepeshilu tshia malu a mu Bible
Bible ke mukanda udibu batamba kuabanyina bantu bikole mu mianda ya bantu, ne ba bungi mbawunange bikole. Kadi pamuapa udi udiebeja ne: ‘Mukanda udi muende lumu bikole eu udi wakula bua tshinyi menemene?’
Broshire wa La Bible: quel est son message? udi ufila tshikepeshilu tshia malu a mu Bible tshidi tshilenga ku muoyo bikole tshidi mua kukuambuluisha bua kumvua bualu bunene budibu bakuila mu Bible mujima. Broshire eu udi ukupesha kadiosha ka malu a mu Bible adi atangila bufuki adibu balonde mu mukanda wa Genese ne ditekemena dimpe ditambe bua matuku atshilualua didibu bumvuije mu mukanda wa Buakabuluibua. Mu broshire eu mudi mushonyi wa bikondo udi uleja tshikondo tshivua mianda ya mushinga mienzeke. Mudi kabidi bimfuanyi bilenga bitambe ne nkonko ya kutata idi yeleshisha meji.
Badila broshire wa La Bible: quel est son message? ku Enternete mu Mfualansa.
Mona bikuabu:
BINTU BIA KULONGA NABI BIBLE
Mvese wa ku dituku
Kakanda ka Tukonkononayi Mifundu dituku dionso kadi katuambuluisha bua kumanya mvese wa mu Bible wa dituku dionso ne diumvuija diende.
BINTU BIA KULONGA NABI BIBLE
Nkonga-mianda wa malu a mu Bible
Mu Étude perspicace des Écritures mudi biena-bualu binunu ne binunu bia kubuelela bidibu bumvuije mu buondoke bu mudi bantu, miaba, bikunyibua, nyama, mianda ya mushinga, ne biambilu bia mu Bible bia mu ngumvuilu ya mu tshimfuanyi. Udi mua kuambula nkonga-mianda eu. Muomu amu mudi tuarte, bimfuanyi, ne indekse wa biena-bualu ne mvese.
BINTU BIA KULONGA NABI BIBLE
Tuarte tua miaba ya mu Bible
Broshire wa “Voyez le bon pays” mmuwule tente ne tuarte ne tablo idi ileja miaba mishilangane ya mu Bible, nangananga Buloba Bulaya mu bikondo bishilashilangane.