ANG’O MINYALO TIMO MONDO KIK IBED GI SIGU GI NG’ATO ANG’ATA?

4 | Yie Mondo Nyasaye Okonyi Loyo Sigu

TUGE

Puonj ma Muma Chiwo:

“Olembe ma roho nyago gin hera, mor, kuwe, horuok, ng’wono, ber, yie, muolo, kod ritruok.”—JO-GALATIA 5:22, 23.

Tiend Puonjno:

Loyo sigu en gima nyalore ka wayie mondo Nyasaye okonywa. Rohone maler nyalo konyowa nyago kido moko mabeyo ma ok wanyal bedogo gi tekrewa wawegi. Omiyo, kar kedo kendwa mondo walo sigu, dwarore ni wagen kuom kony ma Nyasaye chiwo. Ka watimo kamano, wanyalo dhi maber ma wawach kaka jaote Paulo nowacho niya: “E weche duto, an gi nyalo kokalo kuom jal ma miya teko.” (Jo-Filipi 4:13) Kuom adier, wabiro wacho gi chir niya: “Konyruokna . . . a kuom Jehova.”—Zaburi 121:2.

GiK Minyalo Timo:

“Jehova oseloka ma abedo ng’at mohero kuwe kar bedo ng’at mager kendo ma jamahundu.”—WALDO

Lam Jehova kikwaye gi chunyi duto mondo okonyi gi rohone maler. (Luka 11:13) Kwaye mondo okonyi ibed gi kido moyiego. Puonjri gik ma Muma wacho e wi kido ma nyalo konyowa loyo sigu, kuom ranyisi, hera, kuwe, horuok, kod ritruok. Tem ahinya mondo inyis kidogo e ngimani. Bende, riwri gi jomamoko ma temo matek mondo gibed gi kidogo. Joma kamago nyalo ‘jiwi mondo ibed gi hera kod timbe mabeyo.’—Jo-Hibrania 10:24.

Gima Notimore e Ngima Ng’ato—WALDO

Noloyo Sigu mi Oweyo Timbe Gero

Waldo nopon e kit ngima marach ahinya ma nomiyo chunye opong’ gi sigu. Olero kama: “Kinde mang’eny, ne wajogoyore gi joma ne uso yedhe mamero . . . Chieng’ moro, grup machielo mar jomahundu ma ne ok winjre gi marwa nong’iewo janek moro mong’ere mondo onega. Kata kamano, ne ochwoya mana gi pala.”

Waldo ne ok mor ka ne chiege ochako puonjore Muma gi Joneno mag Jehova. Owacho kama: “Ne ok adwar Jonenogo, kendo kinde mang’eny ne abolonegi ayenje madongo dongo. Gima ne mako dhoga en ni kinde duto ne gidwoka gi muolo.”

Bang’ kinde, Waldo bende nochako puonjore Muma. Owacho kama: “Ne ok yot tiyo gi gik ma ne apuonjora. Ne aneno ni ok anyal ngang’ loyo mirimba.” Kata kamano, nitie gimoro ma Waldo nopuonjore e Muma ma noloko ngimane.

Olero kama: “Chieng’ moro, Alejandro ma ne puonjore koda Muma nonyisa ni asom Jo-Galatia 5:22, 23. . . . Alejandro nonyisa ni roho mar Nyasaye ema ne dhi konya nyago kidogo, to ok nyalona awuon. Wachno nomiyo achako neno gik moko e yo mopogore chuth!”

Nikech Waldo noyie mondo Nyasaye okonye, sani osegolo sigu e chunye. Owacho kama: “Wedega kod osiepena machon tinde wuoro awuora kaka an ng’ama opogore.” Omedo niya: “Jehova oseloka ma abedo ng’at mohero kuwe kar bedo ng’at mager kendo ma jamahundu.”

Samoro Inyalo Hero Magi Bende

DWOKO PENJO MA JI NIGO E WI MUMA

Ang’o ma Muma Wacho e Wi Bedo gi Mirima?

Be nitie kinde ma ng’ato onego obedie gi mirima? Ang’o monego itim sama iyi ochako wang’?

OHINGA MAR JARITO

Ang’o Minyalo Timo Mondo Kik Ibed gi Sigu gi Ng’ato Ang’ata?—Yie Mondo Nyasaye Okonyi Loyo Sigu

Dholuo

Ang’o Minyalo Timo Mondo Kik Ibed gi Sigu gi Ng’ato Ang’ata?—Yie Mondo Nyasaye Okonyi Loyo Sigu

https://cms-imgp.jw-cdn.org/img/p/2022014/univ/art/2022014_univ_sqr_xl.jpg

wp22 No. 1 ite mar 12-13

Joneno mag Jehova

4 | Yie Mondo Nyasaye Okonyi Loyo Sigu

Puonj ma Muma Chiwo:

Tiend Puonjno:

GiK Minyalo Timo:

Samoro Inyalo Hero Magi Bende

Ang’o ma Muma Wacho e Wi Bedo gi Mirima?

Ang’o Minyalo Timo Mondo Kik Ibed gi Sigu gi Ng’ato Ang’ata?—Yie Mondo Nyasaye Okonyi Loyo Sigu

YORE MAG GOLO

Kaka Wanyalo Loyo Sigu

Kaka Wanyalo Loyo Sigu

Puonj ma Muma Chiwo:

Tiend Puonjno:

GiK Minyalo Timo:

Samoro Inyalo Hero Magi Bende

YORE MAG GOLO

Yier Dhok Midwaro

Or ne ng'ato