Li explike: “Parfwa, mo ti bien angwase pandan mo tretman. Me kan mo ti priye Zeova, sa ti permet mwa res kalm ek kontign fer fas ar sa sitiasion-la san ki mo per. Mo ankor gagn boukou douler, me lapriyer ed mwa pou res pozitif. Kan bann dimounn demann mwa kouma mo santi mwa, mo reponn, ‘Mo malad, me mo ere!’”

Biensir, li pa neseser ki nou atann ki nou fer fas ar enn sitiasion bien grav pou ki nou priye Bondie. Nou tou nou gagn bann difikilte, ki li gran ouswa tipti, ek souvan nou santi ki nou bizin led pou kapav sirmont sa bann difikilte-la. Eski lapriyer kapav ed nou?

Labib dir: “Zet to fardo lor Zeova, ek Li pou soutenir twa. Zame Li pou les enn kikenn drwat tonbe.” (Psom 55:22, NW) Sa li vremem rekonfortan, pa vre? Alor, kouma eski lapriyer kapav ed ou? Kan ou priye Bondie dan fason ki bizin, Li pou donn ou seki ou bizin pou fer fas ar bann problem ki ou pe gagne.​—Get lankadre “ Seki Lapriyer Kapav Fer pou Ou.”