Le 27 Zanvie 2023, boukou dimounn pou selebre Zourne Internasional Komemorasion Bann Viktim Olokost. Bann kitsoz kriel ek orib ki ti arive ena plis ki 75 an, kitfwa pe fer ou demann oumem kifer Bondie inn permet ki Olokost arive.

•   Pou kone ki Labib dir, lir lartik “Kifer Bondie Finn Permet ki Bann Milyon Zwif Mor Pandan Deziem Lager Mondial?”

 Bann Zwif inn bien soufer pandan Olokost. Ti masakre bann milyon Zwif dan enn fason metodik. Pandan Olokost ti osi persekit ek touy lezot group dimounn. Parmi zot, ti ena osi bann Temwin Zeova ki ti gagn persekision akoz zot bann krwayans ki baze lor Labib.

•   Pou aprann plis, lir lartik “Ki Ti Ariv Bann Temwin Zeova Pandan Dominasion Nazi?”

 Boukou dimounn per ki enn levennman kouma Olokost re-arive enn zour. Erezman, Labib promet ki dan lavenir pou nepli ena bann masak koumsa.

•   “‘Mo konn bien bann panse ki mo ena pou zot,’ ala seki Zeova dir, ‘bann panse ki amenn lape, pa maler, bann panse ki pou donn zot enn lavenir ek enn lespwar.’”​—Zeremi 29:11. a

 Sa lespwar-la pou realize kan Zeova pou azir pou tir tou bann move kitsoz ek repar tou ditor ki sa inn fer. Biento li pou:

•   Tir bann move ki fer lezot ditor.​—Proverb 2:22.

•   Geri tou bann ki’nn soufer.​—Revelasion 21:4.

•   Resisit bann ki’nn mor.​—Zan 5:28, 29.

 Ou kapav fer konfians lespwar rekonfortan ki Labib done. Pou kone kifer, nou invit ou pou esey enn letid Labib ki gratis.