Vino Mungasambilila Uku Malyasi ya Muli Baibo
Ibuuku lii lilamwazwa ukumanya malyasi aa muli Baibo akalanda pa uumbo, pa kuvyalwa kwawe Yesu na pa mulimo uno waomvile, alino na pa Wene uliza.
Kalata Ukufuma Ukwi Umba Ilikatungulula
Uzye ibuku lii lingaomviwa uli?
SAMBILILO 1
Leza Waumvile Iyulu ni Insi
Baibo ikalanda ukuti Leza waumvile iyulu ni insi. U Mulandu ci uno Leza watandikilepo ukuumba malaika wenga lino atatala waumba ya malaika yauze alino ni vintu vyuze?
SAMBILILO 2
Leza Waumvile Umonsi nu Mwanaci Aakutandikilako
Leza waumvile umonsi nu mwanaci aakutandikilako aika nu mu calo ca Edeni. Leza walondanga ukuti yatandike ulupwa nu kulenga insi yonsi ukuya paladaise.
SAMBILILO 3
Adamu na Eva Yatuvwiilile Leza
U mulandu ci uno Leza walesizye Adamu na Eva ukulya ku muti onga uwali mu calo ca Edeni? U mulandu ci uno Eva walilile icizao?
SAMBILILO 4
Cipyu Calenzile Ukuti Akome Mwina Wakwe
Leza wapokelile ilambo lino Abeli wapeezile lelo atapokelile lyakwe Kaini. Lino Kaini wamanyile vivyo, wasosile sana icakuti wacisile cintu cipisye.
SAMBILILO 5
Ciwato Cakwe Nowa
Lino ya malaika yaatwazile anaci, yakweti ana ivipombolo ivyacuzyanga antu. Kwali sana unkalwe. Nowa wapusineko—watemilwe Leza nupya wamuvwilanga.
SAMBILILO 6
Antu 8 Yapuswike Lino Kwali Mulamba Mukalamba
Kwali Mulamba mukalamba lino imvula yatoonyizye manda 40 musanya nu usiku. Nowa nu lupwa lwakwe iikazile mu ciwato kucila pa mwaka onga. Lyene, Leza wayanenyile ukuti yafume umu ciwato.
SAMBILILO 7
Cilupungu ca Babeli
Antu yamwi yalondanga ukukula umusumba ni cilupungu icitali ukufika nu mwi yulu. U mulandu ci uno Yeova walenzile ukuti yalanda indimi zipusanepusane?
SAMBILILO 8
Abulahamu na Sala Yuvwilile Leza
U mulandu ci uno Abulahamu na Sala iikalile umi uwa kukuuka kuuka umu Kenani?
SAMBILILO 9
Yasuka Yakwata Umwana Umonsi!
Uzye Leza wali nu kufikilizya uli ulayo uno walavile Abulahamu? Uzye umwana uwali mu ulayo uu, a Isaki nanti Isumaeli?
SAMBILILO 10
Iusyini Umuci Wakwe Loti
Leza waponyizye makala ya moto pa misumba ya Sodoma na Gomola. U mulandu ci uno imisumba iiya yononiilwe? U mulandu ci uno tulinzile ukwiusizya umuci wakwe Loti?
SAMBILILO 11
Vino Utailo Wakwe Abulahamu Weziwe
Leza wanenyile Abulahamu ukuti: ‘Toola umwana wako umonsi wenga sile wino wakwata uye uku mpanga ya Moliya ukamupeele ilambo.’ Uzye Abulahamu wali nu kuzizimizya uli uwezyo uu?
SAMBILILO 12
Yakobo Wapokelela Ica Upyanyi
Isaki na Labeka yakweti ana aonsi ya mpundu, Esau na Yakobo. Vino Esau uwatandikilepo ukuvyalwa, wali nu kupokelela ica upyanyi ciiyele. U mulandu ci uno wakawizizye uyeli nu musunyi?
SAMBILILO 13
Yakobo na Esau Yapanga Umutende
Uzye Yakobo wacisile ulu pakuti malaika amupaale? Uzye wacisile uli pakuti apange umutende na Esau?
SAMBILILO 15
Yeova Atiliile Jozefu
Nanti icakuti Jozefu wali ukutali nu lupwa lwakwe, Leza wamusakamalanga.
SAMBILILO 17
Mose Wasoolwile Ukulapepa Yeova
Lino Mose wali akanya, nyina wamupuswisye umu mucenjelo.
SAMBILILO 19
Vinkunka Vitatu Ivya Kutandikilako
Falao waleteliile antu yakwe pa mulandu ni cilumba pano wakanyile ukucita icintu icangupale cino yamunenyile ukucita.
SAMBILILO 20
Vinkunka 6 Ivyalondelilepo
Uzye ivinkunka vii vyapusine uli ni vinkunka vya kutandikilapo vitatu?
SAMBILILO 21
Icinkunka Icalenga 10
Icinkunka cii caali icipisye icakuti Falao uwali ni cilumba walesile Aina Izlaeli yaapita.
SAMBILILO 22
Icizungusyo Icacitike Pali Yemba Muyenzu
Nanti i cakuti Falao wapuswike ku vinkunka vyonsi 10, atapuswike ku cizungusyo cino Leza wacisile pali Yemba Muyenzu?
SAMBILILO 23
Vino Yalavile Kuli Yeova
Aina Izlaeli yalavile ulayo uiyele lino yapanzile inkambi ku Mwamba uwa Sinai.
SAMBILILO 24
Yatacisile Ukulingana na Vino Yalavile
Lino Mose wapokanga Masunde 10, ali lino antu yacisile uluyembu ulwipisye.
SAMBILILO 26
Inengu 12
Vino Yoswa na Kalebu yalanzile vyapusine na vino aonsi yauze 10 aile mukulola impanga ya kenani yalanzile.
SAMBILILO 27
Yaapondokile Yeova
Kola, Datani, Abilamu, na onsi 250 yafizilwe ukumanya icinsinka icicindame pali Yeova.
SAMBILILO 30
Lahabu Wafisile Inengu
Iviumba ivya musumba uwa Yeliko vyawile. Lelo ing’anda yakwe Lahabu yene itawile nanti cakuti yaikuulile uku viumba ivya musumba.
SAMBILILO 31
Yoswa na Ina Gibyoni
Yoswa wapefile kuli Leza ukuti: “Ilanzi limilile!” Uzye Leza waswike?
SAMBILILO 32
Intunguluzi Ipya na Anaci Yaili Asipe
Lino Yoswa wafwile, Aina Izlaeli yatandiike ukupepa ivilubi. Ivintu vyatazile, lelo Yeova wayazwilizye kuomvya Balaki mupinguzi, kasesema umwanaci Debola, na Yaeli uwaomvizye lupopo lwa kwi tenti!
SAMBILILO 33
Luti na Naomi
Anaci yaili afwilwa ya iya yaswilila ku Izlaeli. Luti, mwanaci wenga pa anaci yayo, waile mu kuomba mu calo, kuno Boasi waile amulola.
SAMBILILO 34
Gidyoni Wacimvizye Aina Midyani
Pa cisila cakuti Aina Midyani yalenga ivintu kwipila Aina Izlaeli, Aina Izlaeli yapapasiile ukuti Yeova ayazwe. Uzye iumba ilinono lya yasilika lyakwe Gidyoni lyacimvizye uli asilika135,000?
SAMBILILO 35
Hana Wapefile Ukuti Akwate Umwana Umonsi
Elikana wasenda Hana, Penina na ana yakwe ukwi tenti lya kupepelapo ku Syilo. Kuuku, ali kuno Hana wapepa ukuti akwate umwana umonsi. Pa cisila ca mwaka onga, Samueli wavilwel!
SAMBILILO 36
Ulayo Wakwe Yefuta
Ulayo ci uno Yefuta walavile nupya umulandu ci? Uzye umwana mukazyana wakwe Yefuta wacisile uli pa ulayo uno isi walavile
SAMBILILO 37
Yeova Wavwanga na Samweli
Ana yaili yakwe Simapepo Mukalamba Eli, yaombanga usimapepo api tenti lya kupepelapo, nomba yatuvwilanga masunde yakwe Leza. Uwacance Samweli wene wapusineko, nupya Yeova walanzile nawe.
SAMBILILO 38
Yeova wapeezile Samusoni amaka
Leza wapeezile Samusoni amaka akulwisya Aina Filisiti, nomba lino Samusoni atapingwile ningo, Aina Filisti yamulemile.
SAMBILILO 39
Umwene Uwakutandikilako Umu Izlaeli
Yeova wapeezile Aina Izlaeli ya kapingula ukuti yayatungulula, nomba yene yalondanga umwene. Samueli wasonsile Saulo ukuya umwene wakutandikilako, nomba pa cisila Yeova wamukanyile. U mulandu ci?
SAMBILILO 40
Devedi na Golyati
Yeova wasoolwile Devedi ukuya umwene wa Ina Izlaeli uwalondelelapo, nupya Devedi walangizye ukuti cali ningo vino Yeova wamusoolwile.
SAMBILILO 41
Devedi na Saulo
U mulandu ci uno wenga pa yonsi yaa, wapatiile umuze, nupya wino yapasile wacisile uli?
SAMBILILO 42
Yonatani Wali Umusipe Nupya Wali na Ucisinka
Umwana uwa mwene waya a cuza umusuma wakwe Devedi.
SAMBILILO 44
Itempele Lyakwe Yeova
Leza waswike vino Solomoni walenzile nupya wamupeezile imilimo iingi.
SAMBILILO 48
Umwana Wakwe Mukamfwilwa Waya nu Umi Nupya
Vizungusyo viili ivyacitike umu ng’anda ili imwi!
SAMBILILO 49
Namwene Umwipe Wafululwa
Yezebele wapaanzile ukukoma umonsi umwi uwi zina lyakuti Naboti pakuti aiye icalo cakwe ica matingi! Lelo Yeova Leza waweni ulufyengo ni viipe vino wacisile.
SAMBILILO 50
Yeova Wacingilile Yeosafati
Umwene Yeosafati uwa miyele isuma akupepa kuli Leza, lino alwani yakutiinya Ayuda.
SAMBILILO 51
Umusilika na Kakazyana
Akakazyana akina Izlaeli kakuneena umuci wakwe Naamani pa maka yano Yeova wakwata aakuzungusya—icalenzile ukuti kucitike icizungusyo.
SAMBILILO 52
Iviita Vyakwe Yeova
Vino umuomvi wakwe Elisya waweni ukuti aali ukulusansa lwao aingi kucila uku yalwani yao.
SAMBILILO 54
Yeova Wateekelile Yona
Uzye cali uli pakuti iciswi cikulu cimile kasesema wakwe Yeova? Uzye wafumile uli? sNupya isambililo ci lino Yeova wamusambilizye?
SAMBILILO 55
Malaika Wakwe Yeova Wacingilile Hezekiya
Alwani aa ya Yuda yalanzile ukuti Yeova atalayacingilila nomba uwo wali ufi.
SAMBILIO 56
Yosiya Watemilwe Masunde Yakwe Leza
Yosiya watandike ukuteeka umu Yuda ala ali ni myaka 8, nupya wazwilizye antu ukulapepa Yeova.
SAMBILILO 57
Yeova Watuma Yelemiya Umu Kusimikila
Vino uwacance Yelemiya walanzile vyasosizye sana aikolo.
SAMBILILO 58
Musumba Uwa Yelusalemu Ononwa
Pa mulandu wakuti antu ya Muyuda yatwalilile ukupepa ivilubi, Yeova watiile ukuyacingilila.
SAMBILILO 59
Alumendo 4 Auvwilile Yeova
Alumendo Ayuda yalondesyanga ukutwalilila ukuya acisinka kuli Yeova na lino yaali ukwi sano uku Babiloni.
SAMBILO 61
Yaakanyile Ukufukamila Icilubi
Syadilaki, Mesyaki, na Abedinego yakanyile ukupepa icilubi cakwe goldi cino umwene wa ku Babiloni wapanzile.
SAMBILILO 62
Uwene Uwali Kwati Icimuti Cikulu
Ciloto cino Nebukadineza walosile calangililanga ivyali nu kumucitikila.
SAMBILILO 63
Vilembo Ivyalemvilwe pa Ciumba
Uzye ivilembo ivitamanyikwe vyalolike lilaci, nupya vyapiliulanga cani?
SAMBILILO 64
Danieli Ali mu Ciwina Cakwe ya Cisama
Wapepa kuli Yeova cila wanda wakwe vino Danieli wacitanga!
SAMBILIO 65
Esita Wapuswisye Antu Yakwe
Nanti cakuti kuno wikalanga kutali ukumwao nupya wali umwana wa nsiwa, wizile aya a namwene.
SAMBILILO 66
Ezila Wasambilizye Antu Masunde Yakwe Leza
Lino Aina Izlaeli yuvwile vino Ezila wayabelengile, yalafile umulapo uiyele.
SAMBILILO 67
Viumba Ivya Musumba Uwa Yelusalemu
Neemiya uvwile ukuti alwani yakwiza umu kuyazanza. U mulandu ci uno atuvwile intete?
SAMBILILO 68
Elizabeti Wakwata Umwana
U mulandu ci uno iya wakwe Elizabeti yamuneeniile ukuti atalatala avwange kufikila lino umwana wavyalwa?
SAMBILILO 70
Ya Malaika Yamanyisya pa Kuvyalwa Kwakwe Yesu
Ya kacema auvwile icimanyisyo yacisile zuwa vino yuvwile.
SAMBILILO 72
Yesu Ala Acili Umwance
I vyani vino Yesu wacisile ivyalenzile ukuti ya kasambilizya ali umwi tempele yazunguke?
SAMBILILO 73
Yoani Wapekanya Inzila
Yoani wakuzile nu kuya kasesema. Wazambizyanga ukuti Mesiya ali nu kwiza. Uzye antu yacisile uli pali vino wasambilizyanga?
SAMBILILO 74
Yesu Waya A Mesiya
Uzye Yoani walozizye mwi lino walanzile ukuti Yesu Umwana Uwa Mfwele wakwe Leza?
SAMBILILO 75
Ciwa Watunka Yesu
Ciwa watunsile Yesu miku itatu. A mezyo ci yatatu yano Satana watunsile Yesu? Uzye Yesu waswike uli Ciwa?
SAMBILILO 76
Yesu Wasangulula Itempele
U mulandu ci uno Yesu wapangile swepu uwa myando nu kufumya inyama umwi tempele?
SAMBILILO 77
Umwanaci pa Cisima
Umwanaci Umwina Samaliya wazungwike ukulola ukuti Yesu akulanda nawe. U mulandu ci? I vyani vino Yesu waneenyile umwanaci wii vino atatazile aneenepo ali wensi?
SAMBILILO 78
Yesu akusimikila ilyasi lya wene
Yesu wamile asambi ukuya “yakavuwa ya yantu.” Pa cisila wasambilizye alondezi yakwe 70 ivya kusimikila ilyasi lisuma.
SAMBILILO 79
Yesu Wacita Ivizungusyo Ivingi
Konsi kuno Yesu waya, alwale yayanga kuli aliwe kuti ayazwilizye, nawe wayapozyanga. Watuutulwile na kakazyana akafwile.
SAMBILILO 81
Lyasi Lya pa Mwamba
Yesu akusambilizya masambililo acindame uku antu aingi ati yakongana.
SAMBILILO 82
Yesu Wasambilizya Asambi Yakwe Ivya Kupepa
I vyani vino Yesu waneenyile asambi yakwe ukupepelapo?
SAMBILILO 83
Yesu Waliisya Antu Aingi
Uzye cizunguzyo cii cikalangilila ukuti Yeova na Yesu yaya uli?
SAMBILILO 84
Yesu Wapita pa Manzi
Uzye ukwelenganya ukuti atumwa yuvwile uli lino yaweni cizungusyo cii?
SAMBILILO 86
Yesu Watuutulula Lazalo
Lino Yesu waweni Maliya akulila, nawe watandike ukulila. Lelo ulanda uno yakweti wasangwike insansa.
SAMBILILO 87
Cakulya ca Manguzi Cakwe Yesu ca Kusyalikizyako
Pa cakulya cakwe ca manguzi ca kusyalikizyako Yesu waneenyile atumwa yakwe vintu vicindame sana vino yaalinzile ukulacita.
SAMBILILO 88
Yesu Yamulema
Yuda Iskalyoti watatungulula iumba likalamba lya yantu aasenzile impanga ni ntuwa kuti yakaleme Yesu.
SAMBILILO 89
Petulo Wakaana Yesu
I vyani ivyacitike pa musolo wa ng’anda yakwe Kayafa? Nupya i vyani vyacitikile Yesu lino wali umu ng’anda yakwe Kayafa?
SAMBILILO 90
Yesu Wafwilile pa Ncende ya Gologota
U mulandu ci uno Pilato wazumilizizye ukuti Yesu akomwe?
SAMBILILO 91
Yesu Watuutululwa
I vintu ci ivya kuzungusya ivyacitike lino papisile manda kufuma pano Yesu wakomiilwe?
SAMBILILO 92
Yesu Walolekela Kuli ya Kuuma ya Nswi
I vyani vino Yesu wacisile pakuti asambi yamumanye?
SAMBILILO 93
Yesu Waswilila Ukwi Yulu
Lino atatala waswilila, wayanenyile ivintu vicindame vino yali nu kulondela.
SAMBILILO 94
Asambi Yapokelela Umupasi wa Muzilo
Uzye umupasi wa muzilo wayapeezile amaka yakucita ivinzungusyo vya musango ci?
SAMBILILO 95
Kutaali Cali nu Kulenga Yate Ukusimikila
Intunguluzi zya mapepo izyakomile Yesu zyezizye ukulesya asambi ukusimikila. Nomba zyafizilwe
SAMBILILO 97
Koneli Wapokelela Umupasi wa Muzilo
U mulandu ci uno Yeova waneniile Petulo ukuya uku ng’anda iya muntu ataali Umuyuda?
SAMBILILO 98
Vino Uwina Klistu Wasalangine
Mutumwa Paulo na yano waombanga nayo umisyonali yatandike ukusimikila umu mpanga izya kutali.
SAMBILILO 99
Kalinda wa Cifungo Wasambilila Icumi
U mulandu ci uno ilyasi lii lyalandila pa ciwa, cilundumusi nu lupanga?
SAMBILILO 101
Paulo Yamutuma Uku Loma
Yakweti intazi zingi lino yali pa ulendo, nomba kusi icili consi icatoovwile umutumwa wii.
SAMBILILO 102
Yoani Walola Ivilolwa
Yesu wamulangizye ivilolwa ivyalangililanga ivyali nu kucitika uku nkoleelo.
SAMBILILO 103
“Uwene Wako Wize”
Vilolwa vino Yoani waweni vikalangilila vino Uwene Wakwe Leza ulazifya ivintu pano nsi.