Awe, ya Nte yakwe Yeova yasipeela iciikumi; umulimo witu ukasakamalwa ni misangulo yakuitemelwa, na aakasangula yasimanyikwa. Uzye iciikumi i cani, napya umulandu ci uno ya Nte Yako Yeova yasipeelela iciikumi?

 Isunde lya kupeela iciikumi, nanti ukusangula conga pa vintu ikumi vino umuntu akweti, lyali pa masunde yano Leza wapeezile aina izlaeli. Nomba Baibo ikalanda paswe ukuti amasunde yaaya​—kumwi sile ni sunde lya “kupoka iciikumi”​—yasiomba ku Ina Klistu.​—Ayebulai 7:​5, 18; Kolose 2:​13, 14.

 Mu nsita ya kupeela iciikumi icipimilwe limwi, ya Nte Yakwe Yeova yakakolanya Aina Klistu ya kutandikilako, nu kusakamala umulimo wao mu inzila ziili: yakaomba umulimo wa kusambizya antu yauze ukwaula ukulipilwa, napya yakasangula ni misangulo ukwaula ukupatikiziwa.

 Fwandi tukalondela vino Baibo yanena Aina Klistu ukuti: “Cila muntu alinzile ukupeela ukulingana vino wataipingula umwisikulu kwaula ukusiima nandi ukupatikiziwa. Pano Leza watemwa umuntu wino akapeela ni nsansa.”​—2 Kolinto 9:7.