Katak jãn Bwebwenato ko ilo Baibõl̦
Bok in enaaj kwal̦o̦k ñan eok men ko rar wal̦o̦k ilo iien ko etto kab kobban ilju im jekl̦aj, jãn jinoin kõm̦anm̦an lal̦ in, ñan iien l̦otak eo an Jesus kab iien jerbalin kwal̦o̦k naan eo an, im l̦o̦k ñan iien eo Aelõñ eo enaaj itok.
Juon Lõta jãn Kumi eo Ej Lale Aolep Eklejia ko an Ri Kõnnaan ro an Jeova
Ewi wãween ad maroñ kõjerbale bok in?
KATAK 1
Anij Ear Kõm̦anm̦an Lañ im Lal̦
Baibõl̦ ej ba bwe Anij ear kõm̦anm̦an lañ im lal̦. Ak etke ear kõm̦anm̦an juon enjel̦ m̦okta jãn an kar kõm̦anm̦an aolep menin kõm̦anm̦an ko jet an?
KATAK 2
Anij Ear Kõm̦anm̦an Em̦m̦aan im Kõrã eo M̦oktata
Anij ear kõm̦anm̦an em̦m̦aan im kõrã eo m̦oktata im likũt erro ilo jikin kallib Iden. Ear kõn̦aan bwe ren ejaake juon baam̦le im kõm̦m̦an bwe aolepen lal̦ in en juon pedetaij.
KATAK 3
Adam im Iv Rar Jab Pokake Anij
Etke ear mo m̦õñã jãn wõjke eo ilo jikin kallib Iden? Etke Iv ear m̦õñã jãn leen?
KATAK 4
Jãn Illu ñan M̦õrõ
Anij ear m̦õn̦õn̦õ kõn menin katok eo an Ebel ak ear jab m̦õn̦õn̦õ kõn menin katok eo an Kein. Ke Kein ear jel̦ã men in, ear lukkuun illu im kõm̦m̦ane juon men enana.
KATAK 5
Waan Noa
Ke enjel̦ ro rar wanlal̦tak jãn lañ im m̦areik kõrã ro ioon lal̦, ear wõr nejier l̦adik ineea me rekõn ko̦kkure ro jet. Lal̦ in ear obrak kõn lãj im kowadoñ. Ak Noa ear oktak—ear yokwe im pokake Anij.
KATAK 6
Ralitõk Wõt Rar El̦l̦ã im Mour jãn Ibwijleplep Eo
Kõn wõt Ibwijleplep eo, ear wõt ium̦win 40 raan im 40 boñ. Noa im aolepen baam̦le eo an rar pãd ilowaan wa eo ium̦win juon jim̦a iiõ. Ãliktata, rar maroñ diwõj jãn wa eo.
KATAK 7
M̦weo Eutiej ilo Bebel
Jet armej rar pepe ñan kalõk juon jikin kweilo̦k im juon em̦ utiej ñan ñe etõpar lañ. Etke Jeova ear kajju kõm̦m̦an bwe ren kõnono kajin ko reoktak jãn doon?
KATAK 8
Ebream im Sera Rar Pokake Anij
Etke Ebream im Sera rar ilo̦k jãn jikin kweilo̦k eo ñan mour ãinwõt riitoitak ro ilo ãneen Kenan?
KATAK 9
Ej Kab Wõr Juon Nejin L̦addik!
Enaaj kar ewi wãween an jejjet kallim̦ur eo an Anij ñan Ebream? Wõn iaan l̦adik ro nejin Ebream enaaj kar kajejjet men in—Aisak ke ak Ishmael?
KATAK 10
Keememej Lio Pãleen Lot
Anij ear ko̦wõtlo̦k kijeek ioon Sodom im Gomorra. Etke ear jorrããn jikin kein ruo? Etke jej aikuj keememej men eo ear wal̦o̦k ñan lio pãleen Lot?
KATAK 11
Kar Mãlejjoñe Tõmak eo an Ebream
Anij ear ba ñan Ebream: ‘Jouj im bõk l̦adik n̦e ej make wõt nejũm̦, im katok kake ãinwõt juon menin katok ilo tol̦ eo ej pãd ilo jikin eo etan Moraia.’ Ta eo Ebream enaaj kar kõm̦m̦ane ke kar kajjitõk ippãn ñan kõm̦m̦ane men in? Im ta eo men in enaaj kar kaalikkar kõn tõmak eo an?
KATAK 12
Jekob Ear Bõke Menin Jolõt Eo
Ear wõr nejin Aisak im Rebeka po l̦addik im etaerro in Iso im Jekob. Kõnke Iso ear l̦otak m̦okta, e eo enaaj kar bõk menin jolõt eo. Etke ear ajel̦o̦k menin jolõt in an kõn juon bowl in juub?
KATAK 13
Jekob im Iso Rej Kõm̦m̦an Aenõm̦m̦an
Ewi wãween an kar Jekob maroñ kõm̦m̦an bwe juon enjel̦ en kajeraam̦m̦ane? Im ewi wãween an kar kõm̦m̦an aenõm̦m̦an ippãn Iso?
KATAK 14
Juon Rũkõm̦akoko me Ear Pokake Anij
Josep ear kõm̦m̦ane juon men ejim̦we, ak ear iioon eñtaan im apañ. Etke?
KATAK 15
Jeova Ear Jab Mel̦o̦kl̦o̦k Josep
Meñe Josep ear pãd ettol̦o̦k jãn baam̦le eo an, ak Anij ear pãd ippãn.
KATAK 17
Moses Ear Kããlõt bwe Enaaj Kabuñ ñan Jeova
Ke Moses ear niñniñ, kõrã eo lukkuun jinen ear kõm̦m̦ane juon men me ear kõjparok mour eo an Moses.
KATAK 19
Menin Kaeñtaan ko Jilu M̦oktata
Pero ear kõm̦m̦an bwe jorrããn ko ren wal̦o̦k ñan armej ro an kõnke ear m̦akoko in kõm̦m̦ane juon men epidodo. Men in ear kwal̦o̦k an utiej bũruon.
KATAK 20
Menin Kaeñtaan ko Jiljino Tokãlik
Etke menin kaeñtaan kein reoktak jãn menin kaeñtaan ko jilu m̦oktata?
KATAK 21
Menin Kaeñtaan eo Kein Kajoñoul
Joñan an kar nana menin kaeñtaan in, Pero, eo im eutiej bũruon, ear bõjrak jãn an jum̦ae.
KATAK 22
Juon Menin Bwilõñ Ear Wal̦o̦k ilo Lom̦al̦o Ekilmir
Pero ear el̦l̦ã im mour jãn menin kaeñtaan ko joñoul, ak ear ke mour wõt ke Anij ear kõm̦m̦ane menin bwilõñ in?
KATAK 23
Juon Kallim̦ur ñan Jeova
RiIsrael ro rar kõm̦m̦ane juon kallim̦ur ñan Anij ke rar pãd ilo Tol̦ Sainai.
KATAK 24
Rar Rupe Kallim̦ur eo Aer
Ke Moses ear etal im bõk Kien ko Joñoul, armej ro rar kõm̦m̦ane juon men elukkuun kar nana.
KATAK 26
Riaroñroñ ro Joñoul Ruo
Joshua im Keleb rar oktak jãn em̦m̦aan ro 10 me rar bar etal im lale ãneen Kenan.
KATAK 27
Rar Jum̦ae Jeova
Kora, Detan, Ebairam, im em̦m̦aan ro 250 ippãer rar jab kile juon men eaorõk kõn Jeova.
KATAK 29
Jeova Ej Kããlõt Joshua
Naanin tõl ko Anij ear lil̦o̦k ñan Joshua remaroñ bar jipañ kõj ilo raan kein ad.
KATAK 30
Rehab Ej N̦ooje Riaroñroñ Ro
Wõrwõr eo an Jeriko ear rup im okjak. Ak m̦weo im̦õn me ear m̦õttan wõrwõr eo ear jutak wõt.
KATAK 31
Joshua im RiGibeon Ro
Joshua ej jar ñan Anij im ba: “Al̦, kwõn bõjrak!” Anij ear ke uwaake jar in an?
KATAK 32
Juon Rũtõl Ekããl im Kõrã Ro Ruo Reperan
Ãlikin an kar Joshua mej, RiIsrael ro rar jino kabuñ ñan ekjab ko. Ear jino penl̦o̦k mour ko aer, ak RiEkajet Berak im rũkanaan Debora rar maroñ jipañ ekoba Jeel, eo ear kõjerbal juon dila in em̦ nuknuk!
KATAK 33
Rut im Neomi
Kõrã ro ruo me emej l̦õm̦aro pãleer rej jim̦or jepl̦aak ñan Israel. Juon iaaer ej Rut. Ear etal im jerbal ilo juon jikin kallib im Boaz ear loe.
KATAK 34
Gideon Ej Anjo̦ Ioon RiMidian Ro
Ke RiMidian ro rar kõm̦m̦an bwe RiIsrael ro ren eñtaan, RiIsrael rein rar akwel̦ap ñan Jeova bwe en jipañ er. Etke kumi in tarin̦ae eo edik an Gideon rar maroñ anjo̦ ioon 135,000 rũttarin̦ae ro an Midian?
KATAK 35
Hanna Ej Jar im Kajjitõk kõn Juon Nejin L̦addik
Elkena ej bõkl̦o̦k Hanna, Penina, im ajri ro nejin ñan im̦õn kõppãd eo ilo Shailo bwe ren kabuñ ie. Ilo ijin, Hanna ear jar im kajjitõk kõn juon nejin l̦addik. Tokãlik, Samuel ear l̦otak!
KATAK 36
Kallim̦ur eo an Jepta
Ta eo Jepta ear kallim̦ur bwe enaaj kõm̦m̦ane im etke? Ta eo jiroñ eo nejin Jepta ear ba ke ear jel̦ã kõn kallim̦ur eo an jemãn?
KATAK 37
Jeova Ej Kõnnaan ñan Samuel
Ear wõr ruo em̦m̦aan nejin Bũrij L̦apl̦ap eo Ilai me rar bar bõk jerbalin bũrij ilo im̦õn kõppãd eo. Ak rar jab pokake kien ko an Anij. Samuel ear lukkuun dik jãn er ak ear oktak jãn er. Juon boñ Jeova ear kõnnaan ñan Samuel.
KATAK 38
Jeova Ear Kõm̦m̦an bwe Samson En Kajoor
Anij ear kõm̦m̦an bwe Samson en lukkuun kajoor bwe en maroñ tarin̦aeik RiPilistia ro, ak Samson ear kõm̦m̦ane juon pepe ejjab em̦m̦an. Kõn men in, RiPilistia ro rar jibwe im bõke.
KATAK 39
Kiiñ Eo M̦oktata An Israel
Anij ear kõjerbal riekajet ro ñan tõl RiIsrael ro, ak rar kajjitõk bwe en wõr juon aer kiiñ. Samuel ear kapiti Saul bwe en kiiñ eo m̦oktata an armej ro, ak tokãlik ear jako an Jeova buñbũruon ippãn Saul. Etke?
KATAK 40
Devid im Golaiat
Jeova ear kããlõt Devid bwe en kab kiiñ eo an Israel, im Devid ear kaalikkare ilo kõm̦m̦an ko an bwe ejim̦we kããlõt eo an Jeova.
KATAK 41
Devid im Saul
Etke juon iaan em̦m̦aan rein ruo edike eo juon? Ta ko em̦m̦aan in enana ej kõm̦m̦ani?
KATAK 44
Juon Tampel̦ ñan Jeova
Anij ear m̦õn̦õn̦õ kõn men eo Kiiñ Solomon ear kajjitõk ippãn, im elõñ jeraam̦m̦an ko rel̦l̦ap ear lil̦o̦k ñane.
KATAK 45
Bwij ko ilo Aelõñ eo Rejepel jãn Doon
Elõñ iaan RiIsrael ro rar bõjrak jãn aer karejar ñan Jeova.
KATAK 49
Lerooj Nana eo Ej Bõk Kaje
Jezebel ej pukot kilen ñan m̦an Nebot, juon em̦m̦aan in Israel, bwe en maroñ bõke jikin kallib kũreep eo an! Jeova Anij ej loi jerbal ko an renana.
KATAK 50
Jeova Ej Jipañe Jihoshapat
Kiiñ eo em̦m̦an etan Jihoshapat ej reilo̦k ñan Anij ilo an kar jar ñane ke aelõñ ko jet rar pojakin tarin̦aeik aelõñin Juda.
KATAK 51
Juon Em̦m̦aan Ekajoor im Juon Leddik Jidikdik
Juon leddik jidikdik jãn Israel ej kwal̦o̦k ñan lio ej jerbal ñane kõn kajoor eo el̦ap an Jeova. Tokãlik, ear wal̦o̦k elõñ tokjãn ko rem̦m̦an.
KATAK 52
Kumi in Tarin̦ae eo An Jeova Rej Urur kõn Kijeek
Unin an kar Ilaisha maroñ kile bwe ‘elõñl̦o̦k ro ippãer jãn ippãn kumi eo juon.’
KATAK 54
Jeova Ear Kijenmej Ippãn Jona
Ta eo ear kõm̦m̦an bwe juon ek kileplep en wõrañel̦o̦k juon rũkanaan an Anij? Ewi wãween an kar diwõjl̦o̦k jãn lowaan ek in? Im ta eo Jeova ear kajjioñ katakini bwe en jel̦ã?
KATAK 55
Enjel̦ eo An Jeova Ear Kõjparoke Hezekaia
Rũkõjdat ro me rej jum̦ae aelõñin Juda rej ba bwe Jeova eban kõjparoke armej ro an, ak elukkuun bõd l̦õmn̦ak in aer!
KATAK 56
Josaia Ear Kaorõk Kien ko An Anij
Josaia ear jino kiiñ ioon aelõñin Juda ke ear 8 an iiõ im ear jipañ armej ro bwe ren kabuñ ñan Jeova.
KATAK 57
Jeova Ej Jilkinl̦o̦k Jeremaia bwe En Kwal̦o̦k Naan
Ke Jeremaia ear l̦addik wõt, men eo ear kõnnaanek rũtõl ro kake ear kõm̦m̦an aer lukkuun illu.
KATAK 58
Jerusalem Ejorrããn
Armejin Juda rej wõnm̦aanl̦o̦k wõt im kabuñ ñan anij ko rewaan, kõn men in ejako an Jeova pãd ippãer.
KATAK 59
L̦adik ro Emãn me Rar Pokake Jeova
L̦adik ro jãn Juda rar kõn̦aan dãpij wõt aer tiljek ñan Jeova, meñe rar pãd ilo m̦weo im̦õn kiiñ ilo Babil̦on.
KATAK 60
Aelõñ eo me Enaaj Pãd ñan Indeeo
Daniel ej kõmel̦el̦eik Nebukadnezar kõn mel̦el̦ein ettõn̦ak eo an.
KATAK 61
Rar Jab Badikdik
Shadrak, Meshak, im Abednego rar m̦akoko in kabuñ ñan ekjab gold eo an kiiñ eo an Babil̦on.
KATAK 62
Aelõñ eo me Ej Ãinwõt Juon Wõjke Kileplep
Ettõn̦ak eo an Nebukadnezar ej kaalikkar kõn ta eo enaaj wal̦o̦k ñane ilju im jekl̦aj.
KATAK 65
Ester Ej Lo̦mo̦o̦ren Armejin Aelõñ eo An
Meñe e kar juon ruwamãejet, ak ear oktak jãn juon eo ettã ñan juon lerooj.
KATAK 66
Ezra Ej Katakin Armej Ro kõn Kien ko An Anij
Ãlikin an RiIsrael ro roñjake Ezra, rar kõm̦m̦ane juon kallim̦ur eaorõk ñan Anij.
KATAK 67
Wõrwõr eo ilo Jerusalem
Nihimaia ear roñ bwe rũkõjdat ro an rar pepe in ko̦kkure er. Etke ear jab mijak?
KATAK 68
Ewõr Juon Nejin Elisabet
Etke kar jiroñ l̦eo pãleen Elisabet bwe eban maroñ kõnnaan m̦ae iien el̦otak niñniñ eo?
KATAK 70
Enjel̦ Ro Rej Kõjjel̦ã kõn An Jesus L̦otak
Ke rũlale jiip ro rar roñ kõjjel̦ã eo, rar m̦õkaj im em̦m̦akũt.
KATAK 73
Jon Ej Kõpooj Ial̦ eo ñan Jesus
Jon ej rũttol̦o̦k im juon rũkanaan. Ej katakin armej ro kõn itok eo an Messaia eo. Ewi wãween an kar armej ro l̦õmn̦ak kõn ennaan in?
KATAK 75
Setan Ej Kajjioñ Kapo Jesus
Jilu alen an kar Setan kajjioñ kapo Jesus. Ta kar menin kapo ko jilu Setan ear kajjioñ kapo Jesus kaki? Ewi wãween an kar Jesus uwaake Setan?
KATAK 76
Jesus Ej Kadiwõjl̦o̦k Ruwiakake Ro jãn Tampel̦ Eo
Etke Jesus ej kõm̦m̦an juon toin deñdeñ im ubaakel̦o̦k menninmour ko jãn lowaan tampel̦ eo im ukõji tebõl̦ ko an rijãnij jããn ro?
KATAK 77
Kõrã Eo Iturin Aebõj Lal̦ Eo
Kõrã in Sameria eo iturin aebõj lal̦ eo an Jekob ear bwilõñ ke Jesus ear kõnnaanl̦o̦k ñane. Etke? Ta eo Jesus ear ba ñane me ejjañin kar jiroñ jabdewõt kake?
KATAK 78
Jesus Ej Kwal̦o̦k Nuuj eo kõn Aelõñ Eo
Jesus ej kũr jet iaan rũkal̦oor ro an bwe ren “rieo̦ñõd armej.” Tokãlik ej katakin im kammineneik rũkal̦oor ro an 70 kilen kwal̦o̦k naan kõn nuuj eo em̦m̦an kõn Aelõñ eo.
KATAK 79
Jesus Ej Kõm̦m̦an Elõñ Menin Bwilõñ Ko
Jabdewõt jikin ko ear etal ie l̦o̦k, armej ro renañinmej rar kepaake im kajjitõk jipañ jãn e, im ear kõmour er aolep. Joñan, ear kõjerkak juon ledik jidikdik jãn an kar mej.
KATAK 81
Katak eo An Ioon Tol̦ Eo
Jesus ej kwal̦o̦k katak ko raorõk ñan juon jarlepju in armej ro me rar kuktok ippãn doon.
KATAK 82
Jesus Ej Katakin Rũkal̦oor Ro An Kilen Jar
Ta ko ear ba ñan rũkal̦oor ro an bwe ren wõnm̦aanl̦o̦k wõt im kajjitõk ippãn Anij?
KATAK 83
Jesus Ej Naajdik Elõñ To̦ujin Armej
Ta eo menin kabwilõñlõñ in ej kwal̦o̦k kõn Jesus im Jeova?
KATAK 84
Jesus Ej Etetal Ioon Dãn
L̦õmn̦ak m̦õk kõn kar eñjake eo an rijjilõk ro ke rar lo menin kabwilõñlõñ eo?
KATAK 85
Jesus Ej Kõmour Armej ilo Raanin Jabõt
Etke ejjab aolep rej m̦õn̦õn̦õ kõn men eo ej kõm̦m̦ane?
KATAK 86
Jesus Ear Kõjerkakpeje Lazerõs
Ke Jesus ej lo an Meri jañ, ear bareinwõt jino an jañ. Ak ear jako aer jañ im rar oktak im m̦õn̦õn̦õ.
KATAK 87
Kõjota eo An Jesus Ãliktata
Jesus ej lel̦o̦k naanin tõl ko raorõk ñan rijjilõk ro an ilo kõjota eo aer ãliktata.
KATAK 88
Kar Kalbuuji Jesus
Judas Iskariõt ej tõl juon kumi in rinana im rej jebjeb jaje im kein deñdeñ bwe ren kalbuuji Jesus.
KATAK 89
Piter Ej Kaarmejjeteik Jesus
Ta eo ej wal̦o̦k ilo nabõjin m̦weo im̦õn Kaiepas? Im ta eo ear wal̦o̦k ñan Jesus ilowaan m̦weo?
KATAK 91
Em̦õj an Jesus Jerkakpeje
Ta men ko rekabwilõñlõñ rar wal̦o̦k jejjo raan ãlikin an kar Jesus mej?
KATAK 92
Jesus Ej Wal̦o̦k ñan Rũkal̦oor Ro An ke Rej Eo̦ñõd
Ta eo ej kõm̦m̦ane bwe ren reilo̦k ñane?
KATAK 93
Jesus Ej Jepl̦aak ñan Lañ
Ak m̦okta jãn an jepl̦aak, ear kwal̦o̦k naanin tõl ko relukkuun aorõk ñan rũkal̦oor ro an.
KATAK 94
Jetõb Kwõjarjar An Anij ej Itok Ioon Rũkal̦oor Ro
Ta men eo ekabwilõñlõñ jetõb kwõjarjar ear kõmaroñ er ñan kõm̦m̦ane?
KATAK 95
Ejjel̦o̦k Juon Emaroñ Kabõjrak Er
Rũtõlin kabuñ ro me rar m̦an Jesus rej kiiõ kajjioñ in kabõjrak rũkal̦oor ro jãn aer kwal̦o̦k naan. Ak rejjab lo tõprak.
KATAK 97
Kar Lel̦o̦k Jetõb Kwõjarjar ñan Korniliõs
Etke Anij ear ba ñan Piter bwe en etal ñan m̦weo im̦õn em̦m̦aan in me ejjab juon RiJu?
KATAK 98
An Lõñl̦o̦k Oran Kũrjin Ro ilo Elõñ Aelõñ
Rijjilõk Paul im mijinede ro jet m̦õttan rar jino kwal̦o̦k naan ilo ãne ko rettol̦o̦k.
KATAK 99
Juon Rũlale Im̦õn Kalbuuj Ej Katak kõn M̦ool Eo
Etke kar likũt Paul im Sailas ilo jikin kalbuuj eo? Ewi wãween an kar rũlale im̦õn kalbuuj eo jino katak kõn m̦ool eo?
KATAK 100
Paul im Timote
Erro lukkuun kar epaake doon im erro kar jerbal ippãn doon ium̦win elõñ iiõ ko.
KATAK 101
Kar Jilkinl̦o̦k Paul ñan Rom
Elõñ men ko rekauwõtata rej wal̦o̦k ilo ial̦ eo, ak ejjel̦o̦k juon men epen emaroñ kabbeer rijjilõk in.
KATAK 103
“En Itok Am̦ Aelõñ”
Pijen ko an Jon rej kwal̦o̦k kõn an Aelõñ eo an Anij naaj ukot mour ilo lal̦ in.