Nebã sogsda sogsg buud toor-toor n na n bãng vɩɩmã võore. Wala makre, bõe yĩng tɩ ninsaalbã be dũniyã zugu? Rẽ yĩnga m vɩɩmã tara võor bɩ? Biiblã wilgdame tɩ ninsaal fãa tog n bao n paama zood ne Wẽnnaam. D gom bũmb a wãn Biiblã sẽn yet tɩ tar yõod wʋsgo.

•   Wẽnnaam yaa tõnd Naanda. Biiblã yetame: “Bãmb [Wẽnnaam] n naan tõndo, la b so tõndo.”—Yɩɩn-sõamyã 100:3; Vẽnegre 4:11.

•   Bũmb nins fãa Wẽnnaam sẽn naanã tara võore.—Ezayi 45:18.

•   Wẽnnaam sẽn naan tõnd to-to wã kɩtame tɩ d rat n bãng-a, la d bãng vɩɩmã võor me. (Luk 11:28) A ratame tɩ d tõog n bãng rẽ.—Yɩɩn-sõamyã 145:16.

•   D sã n modg n bao zood sõma ne Wẽnnaam, d na n bãng-a lame n paase. Tõe tɩ neb kẽer getame tɩ yɩ Wẽnnaam zoa yaa bũmb sẽn pa tõe. La ad Biiblã sẽn yete: “Kolg-y Wẽnnaam, la bãmb na pẽneg yãmba.”—Zak 4:8; 2:23.

•   D sã n dat n yɩ Wẽnnaam zoa, d segd n vɩɩmdame tɩ zems ne a sẽn datã. Wẽnnaam sẽn datã bee Koɛɛg-soab 12:13 pʋgẽ. B yeta be yaa: “Kelg koɛɛgã fãa baoosgo. Zoe Wẽnnaam la f sak bãmb tõodã, bala, yaa woto la ninsaal fãa tog n maane.”

•   Ka la bilfu, Wẽnnaam na n menesa wẽnem buud fãa, t’a zo-rãmbã, rat n yeel tɩ sẽn tũud-b yẽ wã paam vɩɩm sẽn kõn sa. Rẽ, d na n bãnga a sẽn da rat tɩ d vɩɩmã sɩd yɩ to-to wã.