Yɩɩn-sõamyã sebre 83:1-18
Yɩɩlle. A Azaf yɩɩlle.+
83 Mam Wẽnnaam, ra pa-y sɩɩ ye.+Wẽnnaam Sẽn-tõe-a-fãa, ra kell-y n sĩnd-y-yã, wall y yas n getẽ ye.
2 Bala yãmb bɛɛbã maanda bʋʋre.+Sẽn kis-b yãmbã wukda b mense.*
3 B maana sɩlem, n soos n set taab n na n maan yãmb nebã wẽnga.B yẽsda ne tãab n na n zab ne yãmb sẽn nong b rãmbã.*
4 B yetame yaa: “Wa-y tɩ d sãam Israyɛll buudã,+sẽn na yɩl tɩ b yĩm a yʋʋrã yell wakat fãa yĩnga.”
5 B zemsa taab n baood n na n bãng b sẽn na n maanega.B maana kaool n na n zab ne yãmba:+
6 Yaa Edom nebã, a Ismayɛll yagensã, Mowaab nebã,+ Hagaar nebã,+
7 Geball nebã, Amon nebã,+ Amalɛk nebã,Filisti nebã,+ n paas Tɩɩr nebã.+
8 Asiiri+ nebã me naag-b lame.B teenda a Lot+ yagensã.* (Sela)
9 Maan-y-b wa yãmb sẽn maan Madiyã+ wã,la wa yãmb sẽn maan a Sisera ne a Yabin bũmb ning Kison kosoogẽ* wã.+
10 Yɩɩ Ɛn-door+ la b sãam-ba.B lebga birg tẽngã yĩnga.
11 Kɩt-y tɩ b nin-kãsemsã lebg wa a Orɛɛb ne a Zeebe,+tɩ b nanambsã* lebg wa a Zeba ne a Zalmuna,+
12 bala b yeelame: “Bɩ d reeg soolem ning Wẽnnaam sẽn be a pʋgẽ wã.”
13 Mam Wẽnnaam, kɩt-y tɩ b lebg wa gõos sobg sẽn dɩke,+wa mood sẽn tũud sobgo.
14 Bugum sẽn dɩt kãgr to-to wã,la bug-witim sẽn yõogd tãens+ to-to wã,
15 bɩ y rig-b ne yãmb sob-kẽengã+ woto,la y kẽes-b rabeem ne yãmb sobgã+ woto.
16 Zeova, kɩt-y tɩ b paam paoogre,sẽn na yɩl tɩ b bao yãmb yʋʋrã.
17 Bɩ b paam yãnd la b yɛɛs wakat fãa yĩnga.Bɩ b paam paoogr la b sãame.
18 Bɩ nebã bãng tɩ yãmb a soab ning yʋʋr sẽn yaa a Zeova+ wã,yãmb y ye tãa bal n yaa sẽn ka-a to dũniyã tɛk fãa.+
Vẽnegr toor-toore
^ Bɩ, “zẽkda b zutu.”
^ Ebre, “yãmb sẽn solg b rãmbã.”
^ Ebre, “B lebga a Lot yagensã kanga.”
^ Ebre, “kʋɩlgẽ.”
^ Bɩ, “taoor dãmbã.”
