Keman tikelnamikiskej imikilis Jesús
Sábado 12 de abril de 2025
Nochi xiujmej, itaixpantijkauan Jehová mosentiliaj para kielnamikiskej imikilis Jesús ijkon kemej yejua tanauatij. Kijtoj: “Xiksentokakan xikchiujtokan nejin uan ika xinechelnamikikan” (Lucas 22:19).
Timitsonyoleuaj touan xionmosentili:
Tein miakej motajtaniaj
¿Kanachi uejkaua nechikol?
Kemej se hora.
¿Kani namosentiliskej?
Xiontajto iuan se itaixpantijkauj Jehová uan yejua mitsoniluis kani mosentiliskej kampa tionnemi.
¿Moneki se taxtauas?
Amo.
¿Motajtani tomin?
Amo.
¿Keniuj moneki se motasaltis?
Maski amo ixyetok keniuj se motasaltis, tiitaixpantijkauan Jehová timotasaltiaj kemej kinamiki ijkon kemej kijtoua Biblia (1 Timoteo 2:9). Amo moneki tikuikaskej tein semi patiyoj.
¿Toni mochiua keman moelnamiki imikilis Jesús?
Achto ticantarouaj se canción uan ompa se itaixpantijkauj Jehová kichiua se netataujtil. Ompa, motemaka se tanojnots kampa techelnamiktiaj keyej motelneki imikilis Jesús uan keniuj techpaleuia tein Dios uan Cristo toka kichiuanij. Ompa oksepa ticantarouaj uan mochiua okse netataujtil tein ika tami nechikol.
Komo tikonneki tikonmatis okachi, xikonita tamachtilis: “¿Keyej keman kielnamikij imikilis Cristo itaixpantijkauan Jiova amo kichiuaj kemej okseki taneltokalismej?”.
¿Kemanian oksepa moelnamikis imikilis Jesús?
2025: sábado 12 de abril.
2026: jueves 2 de abril.
Xa no tikonuelitas
IJKUAK TIKELNAMIKIJ IMIKILIS JESÚS
Tonal ijkuak tikelnamikij imikilis Jesús
Ika miak pakilis timitsonyoleuaj touan xionmosentili itech tonal ijkuak tikelnamikij imikilis Jesús ijkon kemej yejua tanauatij. Uan xikonmati keniuj inemilis uan imikilis semi mitsonpaleuia.
SEKI TAMAN TEIN BIBLIA TAMACHTIA TEIN TAYEKANTOKEJ
¿Keyej momikilij Jesús?
Xa tikonkakini ke Jesús kiixtauak totajtakoluan ika imikilis. ¿Yekmelauj ueliskia imikilis kinpaleuis miakej taltikpakneminij?