IZaga 23:1-35
23 Nxa uhlala phansi ukuze udle lenkosi,Nanzelela ukuthi kuyini okuphambi kwakho,
2 Faka ingqamu emphinjeni wakho*Nxa ubukhali.*
3 Ungazihawukeli izibiliboco zayo,Ngoba ziyikudla kobuqili.
4 Ungazibulali usebenza nzima udinga inotho.+
Yekela ukwenza njalo utshengise ukuthi uyazwisisa.*
5 Uzakuthi uphosa amehlo kuyo uyibone ingasekho,+Ngoba izamila impiko njengokhozi, iphaphe iye emoyeni.+
6 Ungakudli ukudla komuntu oncitshanayo,Ungahawukeli izibiliboco zakhe,
7 Ngoba unjengalowo ohlala ebalisa ukuthi umuntu udle okunganani.
Uyathi kuwe, “Zidlele unathe,” kodwa kungaveli enhliziyweni.*
8 Uzakuhlanza konke okudlileyo,Njalo uzabe udlalise amazwi akho umbonga.*
9 Ungakhulumi isiphukuphuku silalele,+Ngoba sizaweyisa amazwi akho ahlakaniphileyo.+
10 Ungakhiphi isikhonkwane somngcele esabekwa kudala,+Njalo ungachapheli emasimini ezintandane.
11 Ngoba uMlamuleli* wazo ulamandla,Uzamelana lawe elwela udaba lwazo.+
12 Lalela ngenhliziyo yonke nxa ulaywa,Uvule lendlebe yakho izwe amazwi olwazi.
13 Ungayekeli ukulaya umntwana.*+
Nxa ungamtshaya ngoswazi kasoze afe.
14 Kumele umtshaye ngoswaziUkuze umsindise angayi engcwabeni.
15 Ndodana yami, nxa inhliziyo yakho ingahlakanipha,Inhliziyo yami izathokoza.+
16 Ingaphakathi yami izathokoza*Nxa izindebe zakho zikhuluma okuqondileyo.
17 Inhliziyo yakho kayingahawukeli izoni,+Kodwa mesabe uJehova zikhathi zonke,*+
18 Ungenza njalo uzakuba lekusasa elihle,+Ithemba lakho alisoze litshabalaliswe.
19 Ndodana yami, lalela uhlakaniphe,Uqondise inhliziyo yakho endleleni eyiyo.
20 Ungabi phakathi kwabantu abanatha kakhulu iwayini,+Phakathi kwabazitika ngenyama,+
21 Ngoba izidakwa lezihwaba zizakuba ngabayanga,+Lokuwozela kuzagqokisa umuntu amadabudabu.
22 Lalela uyihlo owakuzalayo,Ungameyisi unyoko ngoba eseluphele.+
23 Thenga* iqiniso, ungalithengisi+ loba sekutheni,Thenga lokuhlakanipha lokulaywa lokuzwisisa,+ ungakuthengisi.
24 Uyise womuntu olungileyo uzajabula sibili,Lobaba wendodana ehlakaniphileyo uzathokoza ngayo.
25 Uyihlo lonyoko bazajabula,Unyoko owakuzalayo uzathokoza.
26 Ndodana yami ngipha inhliziyo yakho,Amehlo akho kawathokoziswe yizindlela zami.+
27 Ngoba iwule linjengegodi elitshonayo,Lowesifazana ongaziphathanga* unjengomgodi onciphileyo.+
28 Uyacathamela njengesigebenga,+Njalo ungezelela inani lamadoda angathembekanga.
29 Ngubani othwele amagabha avuzayo? Ngubani olosizi?
Ngubani oxabana labanye? Ngubani okhalakhalayo?
Ngubani omanxebanxeba kungelasizatho? Ngubani olamehlo abomvu?
30 Yilabo abatshonela ukunatha iwayini,+Abadinga* iwayini elihlanganisiweyo.
31 Ungakhangeli ububomvu bewayini,Nxa licwebezela enkomitshini, lisehla kamnandi,
32 Ngoba ekucineni liluma njengenyoka,Njalo likhipha ubuhlungu obuyingozi njengebululu.
33 Amehlo akho azabona izinto ezingaqedakaliyo,Lenhliziyo yakho ikhulume izinto ezibolileyo.+
34 Uzakuba njengalowo olele phakathi laphakathi kolwandle,Njengomuntu olele esiqongweni sensika yomkhumbi.
35 Uzakuthi: “Bangitshayile kodwa angizwanga lutho,*Bangibethile kodwa angikhumbuli.
Ngizavuka nini?+
Sengifuna elinye iwayini.”*
Amabala angaphansi
^ Kumbe, “Zikhuze.”
^ Kumbe, “uthanda ukufukutha.”
^ Ezinye inguqulo zithi, “Ungathembi okwakho ukuzwisisa.”
^ NgesiHebheru, “inhliziyo yakhe kayikho kuwe.”
^ Kumbe, “umncoma.”
^ NgesiHebheru, “uMhlengi.”
^ Kumbe, “umfana; osakhulayo.”
^ NgesiHebheru, “Izinso zami zizathokoza.”
^ NgesiHebheru, “ilanga lonke.”
^ Kumbe, “Thola.”
^ Kumbe, “Ababuthanayo ukuze banambithe.”
^ Kumbe, “kangizwanga buhlungu.”
^ Kumbe, “Ngiyelidinga futhi.”