Kuyini Engingakuthandazela?
Impendulo yeBhayibhili
IBhayibhili litshengisa ukuthi ungakhulekela loba yini evumelana lentando kaNkulunkulu. Lithi: ‘Nxa sicela loba yini evumelana lentando [kaNkulunkulu] uyasizwa.’ (1 UJohane 5:14) Kuqondile yini ukuthi uthandaze utshela uNkulunkulu okukuhluphayo? Ye. IBhayibhili lithi: “Likhuphe konke okusezinhliziyweni zenu kuye.”—IHubo 62:8.
Nanku okunye ongakuthandazela:
Ukuba lokholo kuNkulunkulu.—ULukha 17:5.
Umoya ongcwele kaNkulunkulu ozakusiza wenelise ukwenza okuqondileyo.—ULukha 11:13.
Amandla okulwisana lobunzima kanye lezilingo.—KwabaseFiliphi 4:13.
Ukuhlaliseka.—KwabaseFiliphi 4:6, 7.
Ukuhlakanipha okuzakunceda ukuthi wenze izinqumo ezinhle.—UJakhobe 1:5.
Ukudla kwansuku zonke.—UMathewu 6:11.
Ukuthethelelwa izono.—UMathewu 6:12.
Nanku Okunye
INQABAYOKULINDA
Ungathandaza Njani Ukuze UNkulunkulu Akuzwe?
Khuluma loNkulunkulu kungelani lokuthi kunini futhi ungaphi njalo ungakhuluma laye uphumisela amazwi loba ukhulumele enhliziyweni. UJesu wasinceda sabona ukuthi kuyini esingakutsho emithandazweni yethu.
ESSENTIAL BIBLE TEACHINGS
UNkulunkulu Ulalela Yonke Imithandazo Yini?
UNkulunkulu kalaleli lapho umuntu ethandazela okungavumelani lentando yakhe. UNkulunkulu kalaleli umthandazo wendoda ehlukuluza umkayo.
IMIBUZO YEBHAYIBHILI IYAPHENDULWA
Yindaba UNkulunkulu Engalaleli Eminye Imikhuleko?
Bala isihloko lesi uzwe ukuthi ngenjani imikhuleko uNkulunkulu angayilaleliyo lokuthi kumele wenzeni ukuze azwe imikhuleko yakho.
