Mwari wo kadi-kadi ndi Marure wo zviro zvese. Iyena aana maambo zve aana magumo. (Nduyo 90:2) Iyena i Cinyuke co masoko akanaka anowanika mu Bhaibheri. (1 Timoti 1:11) Ngo kutipa kwake upenyu, tinodikana kunamata iyena basi.​—Verenganyi Apokalipsi 4:11.

Akuna mundhu wakambovona Mwari ngo kuti iyena Mujimu, izvi zvinoda kureva kuti iyena anomushovo wo upenyu hwakakhwirira kupinda zvisikwa zvinovoneka zviri pasi pano. (Johani 1:18; 4:24) Pikija zvakadaro itusu tingaziva undhu hwa Mwari kubvira ku zviro zvaakarura. Ngo kudaro, kusiana-siana ko mucero zve maruva zvinotitatija rudo no uzivi hwake. Makurire o denderejwa ro nyika anotibvunja simba rake.​—Verenganyi VaRoma 1:20.

Itusu tingajijazve zvizinji ngo pamusoro po undhu hwa Mwari ngo kuverenga Bhaibheri. Inga muezaniso, irona rinotibvunja zvaanoda no zvaacikadi, anotajisa kudini vandhu zve anodini panoitika zvakanaka kana zvakashata.​—Verenganyi Nduyo 103:7-10.

Jesu wakati: “Baba wedu muri nyezuru, zina renyu ngarikojeswe”. (Mateu 6:9) Pikija Mwari ano mazina mazinji o kureremeja, asi ano zina rimwe basi. Mu ndimi imwe na imwe, rinomadanijihwe akasiana siana. Mu Cindau kazinji rinozwi “Jehova.”​—Verenganyi Nduyo 83:18 BMAA.

Mu maBhaibheri mazinji, zina ra Mwari rakabviswa, pandau paro podihwa Tenji kana Mwari. Asi parakatahwa Bhaibheri, zina ra Mwari raiwanika mu ndau jinokwana 7.000.  Jesu wakaita kuti zina ra Mwari rizivike paaijijisa vandhu ngo pamusoro pa Mwari.​—Verenganyi Johani 17:26.

Vonanyi vhidhio inoti Mwari Ano Zina Here?

Kuwanda ko matambujiko, kunoda kureva kuti Jehovha ndi Mwari acikatitaji here? Vandhu vamweni vanocema veciti Mwari anotieja ngo matambujiko, asi izvi andizvopi.​—Verenganyi Jakobo 1:13.

Mwari wakapa vandhu rureremejo ngo kutipa rusujunuko hwo kukheta. Atibongesei ngo kuva takasujunuka mu kusana kushandira Mwari here? (Joxwa 24:15) Asi vazinji vanokheta kuitira zvakashata vamweni, ndiyo ndava ushati hwakawanda. Izvi zvinozwisa urombo Jehovha paanovona kutama kururama uku.​—Verenganyi Genesi 6:5, 6.

Jehovha ndi Mwari anotitaja. Iyena anoda kuti tibuse upenyu. Sambi-sambi anozopeja kutambujika zve no vayani vanokuitisa. Kaveta, iyena ano cinoitisa kuti aregerere kutambujika pa nguva yakatemehwa. Mu Cijijo co 8, tinozojija kuti ngenyi anosiya kutambujika.​—Verenganyi 2 Pedru 2:9; 3:7, 13.

Jehovha ari kutikoka kuti tikhwedere phedo naye ngo kubhuya naye mu mukumbiro. Iyena anotidakarira inga umwe nga umwe pacedu. (Nduyo 65:2; 145:18) Iyena wakasujunuka kuti atiregerere. Anoziva ndhamburiko ja tinoita kuti timudakajise, pikija nguva jimweni tinoposa. Kunyazi no kutama kuperera kwedu, itusu tingabusa kamare kuva no ushamwari na Mwari.​—Verenganyi Nduyo 103:12-14; Jakobo 4:8.

Jehovha ngo kutipa kwake upenyu, tinodikana kumudisisa kupinda kuda ari wese. (Marco 12:30) Pamunonga mecitatija rudo hwenyu kuna Mwari ngo kuverenga zvizinji ngo pamusoro pake zve kuita zvaanokumbirea, imwimwi mungakhwedera phedo naye.​—Verenganyi 1 Timoti 2:4; 1 Johani 5:3.