KAPITEL 2
Wat muite wij waite oiwer God?
1. Woweegen muite wij God dijne?
Wij muite God dijne weegen hai hät ales måkt un hät oos dat leewent geewt. Hai hät kaine anfang un bliwt up ümer. (Salmo 90:2) Un nog, hai hät oos dai gaure nijges geewt wat ine Bijbel sin. — 1 Timóteo 1:11. — Lees Apocalipse 4:11.
2. Wosoo kan man sich God foirstele?
Wij koine ni God saie weegen hai is air Gaist un wånt im himel. (João 1:18; 4:24) Åwer, wen wij dai daile bekijke wat hai måkt hät, koine wij waite wosoo as hai beschafe is. Hai hät feel sort fruchtbööm un blaume måkt. Dat wist dat hai sër lijblig un klauk is. Un, wen wij dai stërne, dai Sün un dai Ër saie, daue wij forspoire dat nischt is wat hai ni måke kan. — Lees Romanos 1:20.
Wen wij dai Bijbel leese, koine wij God uk kenelëre. Sai sägt wat God gefale däit un wat ni un wosoo as hai mit dai lüür is. — Lees Salmo 103:7-10.
3. Hät God aine nåme?
Jå, God hät aine nåme. Jësus hät sägt: ‘Oos Fåter im himel, dij nåme schal hailig måkt ware.’ (Mateus 6:9) In jërer språk, wart dës nåme aners sägt. Up pomerisch, wart sägt “Jehovaa”. Wöör soo as God un Schafer sin kain nåmen. — Lees Salmo 83:18.
As dai Bijbel sreewe woore is, dës nåme stüün 7 duusend mål dårin. God sij nåme hät soo’ne groote wërd dat Jësus oiwer dëse nåme tau dai lüür fortele däir. Åwer, mite tijd, wek häwe der nåme Jehovaa uut feel Bijbels ruutermåkt un häwe dai wöör Her urer God in dai stel henmåkt. — Lees João 17:26.
Kijk dai film Hät God aine Nåme?
4. Däit God sich mit oos bekümre?
Soo as dës lijb fåter sich bekümert mit sij kind, däit God sich bekümre oiwer dai lüür
Hüütsendåg, dai lüür daue feel doirsete. Wek säge God däit dat erlaube weegen hai däit sich ni ankëre an oos urer hai wil oose gloobe pruiwe. Åwer dat is ni wår. — Lees Tiago 1:13.
God hät der lüür fraihët geewt taum uutsuiken måke. Is sër gaut dat wij oos aigen uutsuiken måke koine. (Josué 24:15) Åwer, feel lüür benutse dai fraihët taum forkërd daile måke, un dårweegen giwt dat sofeel nood. Dat mökt Jehovaa sër traurig. — Lees Gênesis 6:5, 6.
Jehovaa bekümert sich oiwer dij. Hai wil dat’s duu air fröölig leewent häst. Bald, däit hai dai gans nood almåke un dai lüür uutrote wat slecht daile måke. Åwer, hüüt, dai lüür daue feel doirsete. In dem kapitel 8 daue wij forståe woweegen God nog ni dai nood almåkt hät. — Lees 2 Pedro 2:9; 3:7, 13.
5. Wosoo koine wij näig an God kåme?
Taum näig an God kåme, wij muite beere. Jehovaa wil oos grootfründ sin. Hai wil waite wat jërer ainsig fon oos denke däit. (Salmo 65:2; 145:18) Anert dail wat wij måke muite is oos anstrenge taum måken wat richtig is. Kair is åne fëgel. Åwer wij koine Jehovaa sijn grootfründe sin weegen hai däit oos forgeewe. — Lees Salmo 103:12-14; Tiago 4:8.
Wij muite Jehovaa lijbe oiwer ales. (Marcos 12:30) Wosoo kast duu wijse dat’s duu God lijbe däist? Doir mër oiwer em lëre un måke wat hai wil. Soo kümst duu ümer näiger an God raner. — Lees 1 Timóteo 2:4; 1 João 5:3.
