Ales däit wijse dat Miguel Jësus sij nåme is im himel. Airer un nåheer as hai upe ër leewt hät. a In wek kirche wart hai nent “Hailig Miguel”. Ine Bijbel stäit dat Miguel sich streere hät mit Satan nå Moisés sijn dood un hät aine ängel hulpe aine beschaid hendråge nå dem profët Daniel. (Daniel 10:13 un 21 un Judas 9) Miguel bedüürt ‘Wee is soo as God?’. Gans sicher hai is dëse nåme Miguel wërd, weegen hai däit God sijne Regirung bijståe un kämft gëgen God sijn fainde. (Daniel 12:1 un Apocalipse 12:7)

 Wiman as saie woweegen koine wij säge dat Jësus dai oiwerst ängel Miguel is.

•   Miguel is “dai oiwerst ängel”. (Judas 9) In dai twai måls woo dës wöör ine Bijbel ståe, däit gans klår låte dat dat bloos air is. Dit helpt oos forståe dat bloos air ängel dëse nåme hät. Ine Bijbel stäit, dat nådem dat Jësus upleewt woore is, hai kümt fom himel ruuner mit dai stim fon dai oiwerst ängel. (1 Tessalonicenses 4:16) Jësus hät dai stim fon dai oiwerst ängel weegen hai is dai oiwerst ängel, Miguel.

•   Miguel is dai her oiwer dai groot grup soldåte ängels. Wij leese ine Bijbel dat “Miguel un sijn ängels häwe sich kämft gëgen der dragon”, wat dai Satan is. (Apocalipse 12:7) Wij waite dat Miguel feel kraft im himel hät weegen dai Bijbel sägt hai is air fon dai oiwerst prins, dai grötst prins. (Daniel 10:13 un 21 un 12:1) Dës nåmen wijse dat Miguel “dai her oiwer dai andrer ängels is”, soo as David Aune sägt hät, wat oiwer dai Nijg Testament lëre däit.

   Dai Bijbel sägt nog bloos oiwer aine mësche wat her oiwer dai soldåte ängels is. Ine Bijbel stäit dat Jësus kåme däit fom himel mit sijne starke ängels, in füür flame wen hai stråfen bringt. (2 Tessalonicenses 1:7 un 8 un Mateus 16:27) Jësus is ine himel gåe, dai ängels un al dai kraft sin uuner em. (1 Pedro 3:21 un 22) Den, wat wij hijr koine forståe is dat Jësus un Miguel dai neemlig her, urer dai neemlig mësch is.

•   Miguel wart upståe in aine slime tijd oiwer soo as nog nij ais passijrt is. (Daniel 12:1) In dem Daniel bauk, dat woord upståe wart feelmål benutst taum sägen dat air köönig upståe däit taum wat måken. (Daniel 11:2 bet 4 un 21) Jësus Kristus wart uk nent God sij Woord, un hai wat upståe soo as Köönig fone Köönige un däit uutrote al God sijn fainde un em sij folk behüüte. (Apocalipse 19:11 bet 16) Jësus wart dit måke in dai groot nood oiwer, “soo as nog nij ais wääst is fom anfang fone wild an bet nuu” hen. (Mateus 24:21 un 42)