येसुले आफूलाई परमेश्‍वर बराबर बनाउनुभयो भनेर येसुका शत्रुहरूले आरोप लगाए। (यूहन्‍ना ५:१८; १०:३०-३३) वास्तवमा येसुले कहिल्यै पनि आफूलाई परमेश्‍वर बराबर सम्झनुभएन। बरु उहाँले यसो भन्‍नुभएको थियो, “मभन्दा बुबा महान्‌ हुनुहुन्छ।”—यूहन्‍ना १४:२८.

 येसुका चेलाहरूले पनि उहाँलाई परमेश्‍वर बराबर सम्झेनन्‌। उदाहरणको लागि, येसु पुनर्जीवित हुनुभएपछि प्रेषित पावलले यसो भने, “परमेश्‍वरले उहाँलाई [येसुलाई] अझ उच्च पद दिनुभयो।” यसबाट पावलले येसु सर्वशक्‍तिमान्‌ परमेश्‍वर हुनुहुन्छ भनेर विश्‍वास गरेनन्‌ भन्‍ने कुरा स्पष्ट छ। यदि येसु परमेश्‍वर हुनुभएको भए परमेश्‍वरले उहाँलाई कसरी उच्च पद दिन सक्नुहुन्थ्यो र?—फिलिप्पी २:९.