KO E KOLO TOKO—FUFUTA FAKAAKO Mati 2017
Ha ha he fufuta nei e tau vala tala fakaako ma e Me 1-28, 2017.
Tuku Atu e Lilifu ki a Lautolu kua Lata
Ko hai ka tuku atu ki ai e lilifu, mo e ko e ha? To aoga fēfē a koe ka fakalilifu a lautolu?
Fakagahua e Tua
Falu he tau fifiliaga haau ka taute e koe to hiki lahi e moui. Ko e heigoa ka lagomatai a koe ke taute e tau fifiliaga fakailoilo?
Fekafekau ki a Iehova mo e Loto Katoa!
Taute he tau patuiki Iutaia ko Asa, Iehosafata, Hesekia, mo Iosia e tau hepehepe. Ka e onoono e Atua, kua fekafekau a lautolu ki a Ia mo e loto katoa. Ko e ha?
To Fakagahua Nakai e Koe ke he Loto Haau e Tau Mena Oti ne Tohi?
Moua e koe e tau fakaakoaga aoga mai he tau hepehepe he falu, putoia e tau hepehepe ne fakamau he Tohi Tapu.
TALA KE HE MOUI
Aoga ki a Au he Feoaki mo Lautolu ne Iloilo
He tau tau loga ha William Samuelson he fekafekauaga mau, kua fehagai a ia mo e tau kotofaaga ne fiafia mo e paleko.
Higoa Tohi Tapu he Siā i Tuai
Tau valavala siā ne 3,000 e tau ne moua he 2012 ne fakalagalaga e fiafia he tau tagata kumikumi. Ko e heigoa ne uho ke he mouaaga he mena nei?
