Ko e Heigoa Haaku ka Ole he Liogi?
Ko e tali he Tohi Tapu
Maeke a koe ke liogi ma e ha mena ne kua lautatai mo e tau mena ne talia he Atua i loto he Tohi Tapu. “Kaeke ke ole atu ai e tautolu ha mena ke lata mo e hana [Atua] finagalo, ti fanogonogo mai ai a ia kia tautolu.” (1 Ioane 5:14) Maeke nakai a koe ke talahau e tau tupetupe fakatagata haau? Ē. Pehē e Tohi Tapu: “Kia fakatokanoa e mutolu ha mutolu a tau loto ki mua [he Atua].”—Salamo 62:8.
Fakataiaga he tau mena ke ole ka liogi
Tua ke he Atua.—Luka 17:5.
Agaaga tapu, po ke malolō gahuahua he Atua ke lagomatai a koe ke taute e mena hako.—Luka 11:13.
Malolō ke fehagai mo e tau lekua mo e ke totoko e kamatamata.—2 Korinito 4:7.
Mafola he loto po ke fakatotoka.—Filipi 4:6, 7.
Iloilo ke taute e tau fifiliaga mitaki.—Iakopo 1:5.
Lagomatai ma e tau levekiaga he tau aho takitaha.—Mataio 6:11.
Fakamagalo e tau agahala.—Mataio 6:12.
Liga Manako Foki a Koe
KO E KOLO TOKO
Puhala Fe ka Liogi a Koe ti Logona?
Tutala fakaleolahi po ke nakai fai leo ke he Atua he ha matakavi mo e ha magaaho. Lagomatai foki e Iesu a tautolu ke iloa e mena ke talahau.
TAU FAKAAKOAGA AOGA HE TOHI TAPU
Fanogonogo Nakai e Atua ke he Tau Liogi Oti?
Ka e kua ko e liogi lotokai he tagata? Ka e kua e tagata taane ne taute fakakelea e hoana haana, ti aho hake ne ole a ia ke he Atua ke fakamonuina a ia?
TAU FAKAAKOAGA TOHI TAPU
Kamata e Fakaakoaga Tohi Tapu ha Mautolu
Taute e fakaako Tohi Tapu ne nakai fai totogi mo e faiaoga.