Awa. AboFakazi bakaJehova bakholelwa bona nguZimu owabumba zoke izinto. Kodwana asivumelani nefundiso yendalo. Ngani, ngoba imibono eminengi yefundiso leyo ayivumelani neBhayibheli. Cabangela iimbonelo ezilandelakwezi:

1.   Amalanga asithandathu wokudala. Abakholelwa efundisweni le batjho indalo yabunjwa ngamalanga asithandathu wamambala. Kodwana ibizo elithi “ilanga” eBhayibhelini lingaqalisela esikhathini esithe ukunaba.—Genesisi 2:4; IRhubo 90:4.

2.   Iphasi linesikhathi esingangani likhona. Amanye wakholwa wefundiso le, afundisa bona iphasi lineenkulungwana ezimbalwa kwaphela likhona. Nokho, ngokweBhayibheli, iphasi nendawo yoke kwathoma ukuba khona ngaphambi kwamalanga asithandathu wokudala. (Genesisi 1:1) Ngokwebangelo-ke, nakuziwa erhubhululweni lesayensi eliveza ukuthi iphasi linamabhiliyoni weminyaka likhona, aboFakazi bakaJehova bavumelana nalo ngokungananazi.

 Ukuthi aboFakazi bakaJehova bakholelwa endalweni, akutjho ukuthi bajamelene nesayensi. Esikukholelwako kukuthi isayensi yamambala iyavumelana neBhayibheli.