Izaga 1:1-33
1 Izaga zakaSolomoni+ indodana kaDavida,+ ikosi yakwa-Israyeli:+
2 Bona sifunde* ukuhlakanipha+ neseluleko;Bona sizwisise izitjho zokuhlakanipha;
3 Bona sifumane iseluleko+ esinikela ilemuko,Ukulunga,+ ubulungiswa+ nokuthembeka;
4 Bona zinikele onganalwazi+ ukuhlakanipha;Bona zinikele isokana ilwazi nekghono lokucabanga.+
5 Umuntu ohlakaniphileko uyalalela begodu ufunda okungeziweko;+Umuntu ozwisisako ufumana isinqophiso esihlakaniphileko+
6 Bona sizwisise isaga nesitjho esibudisi,Amezwi wabahlakaniphileko neenrarejo zabo.+
7 Ukusaba uJehova kukuthoma kwelwazi.+
Ziindlhadlha kwaphela ezinyaza ukuhlakanipha neseluleko.+
8 Ndodanami, lalela iseluleko sakayihlo,+Ungasinyazi isinqophiso sakanyoko.*+
9 Zinjengesihlohlo esihle ehlokwenakho+Nanjengomkghabiso omuhle entanyenakho.+
10 Ndodanami, nange izoni zilinga ukukuyenga, ungavumi.+
11 Nange zithi: “Khamba nathi.
Asifuneni ithuba lokobana sibulale abanye.
Sizokukhukhutha begodu sisahlele abantu abanganamlandu bona sizithabise.
12 Sizobaginya baphila njengeThuna,*Bazokuginywa ngokupheleleko njengalabo abatjhinga emgodini.
13 Sizokuthatha zoke izinto zabo eziligugu;Sizokuzalisa izindlu zethu ngezinto ezifunyenwe epini.
14 Kufuze ukhambe nathi,Begodu sizokwabelana zoke izinto esizebileko ngokulingana.”
15 Ndodanami, ungabalandeli.
Susa iinyawo zakho endlelenabo,+
16 Ngombana iinyawo zabo zigijimela ekwenzeni okumbi;Zigijimela ekuphalazeni iingazi.+
17 Ngokuqinisekileko kulilize ukwendlala inede lokha iinyoni nazaziko bona kunenede.
18 Kungebangelo bafuna ithuba lokubulala abanye;Bayakhukhutha begodu basahlele abanye bona babulale.
19 Lezi ziindlela zalabo abafuna inzuzo yokungathembeki,Begodu abakufumanako kuzokuthatha ukuphila kwabo.+
20 Ukuhlakanipha kweqiniso+ kurhuwelela endleleni.+
Kuphakamisa iphimbo lakho ematatawini.+
21 Kurhuwelela emakhoneni weendlela eziphithizelako.
Ebungenweni bamasango wedorobho, kuthi:+
22 “Kuzabe kube nini, nina abanganalemuko nithanda ukungabi nelemuko?
Kuzabe kube nini, nina abanyefulako nithatjiswa kunyefula?
Begodu kuzabe kube nini, nina ndlhayela nihloya ilwazi?+
23 Lalelani nanginikhalimako.*+
Ngemva kwalokho ngizokukghuthulela ummoyami kini;Ngizonazisa amezwami.+
24 Ngombana nganibiza kodwana nasolo nala,Ngalula isandla sami kodwana akakho owasinakako.+
25 Benisolo nala zoke iinluleko zamiBegodu akhenge nikhalimeke.
26 Nami ngizonihleka nanivelelwa yihlekelele;Ngizonihleka ubudlhadlha nanifikelwa kukwesaba,+
27 Lokha enikusabako kufika njengesiwuruwuru,Begodu ihlekelelenu ifika njengesiwuruwuru,Lokha ukugandeleleka nokutshwenyeka kunifikela.
28 Mhlokho bazokusolo bangibiza kodwana angekhe ngiphendule;Bazongifuna khulu kodwana angekhe bangifumane,+
29 Ngombana balihloyile ilwazi,+Begodu akhenge bakhethe ukusaba uJehova.+
30 Bale iseluleko sami;Akhenge bahloniphe koke ukusola kwami.
31 Njeke bazokuqalana nemiphumela yeendlela zabo,+Begodu bazokuqalana nemiphumela yeseluleko sabo.
32 Ngombana ukuphambuka kwabanganalemuko kuzobabulala,Begodu ubuvila beendlhadlha buzozitjhabalalisa.
33 Kodwana ongilalelako uzokuhlala ngokuvikeleka+Begodu angekhe athuswe yihlekelele.”+
Imitlolo Ephasi
^ NgesiHebheru, “sazi.”
^ Namkha “ungawunyazi umthetho kanyoko.”
^ Namkha “njengeTjhiyoli.” Qala Ihlathululo.
^ Namkha “Buyani nanginikhalimako.”
