DINAGA LE BATHO
Go Etela Uzbekistan
TRANSOXIANA, ke Naga yeo e lego Magareng ga Dinoka. Tartary. Turkistan. Naga yeo e be e bitšwa ka maina a mantši ao ga bjale a akaretšago Uzbekistan, e lego “Naga ya Mauzbek.” Go tloga mathomong a lekgolong la bo-15 la nywaga, ditoropo tša Uzbekistan di be di hola barekiši bao ba bego ba sepela ka Silk Road, e lego ditsejana tšeo di kilego tša kopanya China le dinaga tša Mediterranean. Ga bjale lešela la leokodi ke lona le rekišwago kudu mafelong a go rekiša mašela a Uzbek. E bile go rekišwa le mebete e mebotse yeo e dirilwego ka leokodi, wulu goba silika.
Setšo sa Uzbek se hueditšwe ke batho ba bantši go theoša le histori. Bagale bao ba tumilego le madira a bona a matla ba ile ba gwanta go phatša dithaba le maganata a Uzbekistan. Bagale bao ba akaretša Alexander yo Mogolo, yo a kopanego le moratiwa wa gagwe Roxane moo; Genghis Khan yo a tšwago Mongolia; le Timur (yo gape a tsebjago e le Tamerlane), e lego modudi wa setlogo wa naga yeo, yo a ilego a buša e mengwe ya mebušo e megolo historing.
Diaparo tša setšo
Dimonyumente tše dibotse tša mebalabala tšeo di nago le marulelo a nkgokolo ao a apešitšwego ka thaele e tala, di dira gore toropo ya Uzbekistan e bogege. Bontši bja meago ye e dirišwa e le dikolo.
Silk Road. Ditsejana tše tšeo di bego di dirišwa ke bagwebi, tšeo karolo ya tšona e bego e phatša nageng yeo lehono e bitšwago Uzbekistan, di be di dutše di dirišwa kudu pele ga mehla ya rena go fihlela go bulwa tsela ya go phatša ka lewatleng go ya India mafelelong a lekgolong la bo-15 la nywaga C.E., gomme di be di kopana lefelong la tša kgwebo.
Go dirwa mebete ya silika
Lewatle la Aral. Ka baka la ge meetse a ile a arošwa ka morero wa go nošetša, Lewatle la Aral leo e kilego ya ba letsha le legolo la bone lefaseng, le a gopa. Uzbekistan e šomišana le ditšhaba tše dingwe tša Asia Bogare go leka go rarolla bothata bjo.
Go fetoga ga ditlhaka tša Mauzbekistan. Go be go bolelwa maleme a fapafapanego nageng yeo, gomme ka morago ga gore e fenywe ke Mamoseleme lekgolong la seswai la nywaga, go ile gwa bolelwa Searaba. Ka morago ga gore naga ye e be karolo ya Soviet Union, ditlhaka tša Selatine di ile tša thoma go dirišwa gomme ka morago tša tšeelwa sebaka ke tša se-Cyrillic mafelelong a bo-1930. Ka 1993 molao o mofsa o ile wa tsebiša gore go dirišwe ditlhaka tša Seuzbek tšeo di theilwego mongwalong wa Selatine.
Dienywa tšeo di omišitšwego lefelong la borekišetšo
You May Also Like
PHAFOGA!
Go Etela New Zealand
Le ge New Zealand e le lekatana, ngwaga le ngwaga e etelwa ke batho ba go boga naga ba fihlago go dimilione tše tharo. Ke eng seo se kgahlišago ka naga ye?
PHAFOGA!
Go Etela Kazakhstan
Mehleng e fetilego batho ba Kazakhstan ba be ba phela ka go ralala le go dula ka gare ga di-yurt. Tsela yeo batho ba ba phelago ka yona mehleng yeno e bonagatša bjang ditšo tša borakgolokhukhu ba bona?
PHAFOGA!
Go Etela Sepania
Sepania ke naga ya dilo tšeo di fapafapanego—tseleng yeo e bogegago ka yona le batho ba yona. Sepania e tšweletša se sengwe sa dijo tšeo di tsebjago kudu go feta naga le ge e le efe lefaseng.
PHAFOGA!
Go Etela Kyrgyzstan
Batho ba Kyrgyzstan ba tsebja kudu ka go amogela baeng le go hlompha. Ke moetlo ofe wo o latelwago malapeng a bona?
PHAFOGA!
Go Etela Liechtenstein
Ke’ng seo se dirago gore ngwaga ka moka batho ba etele naga ye yeo e se nago badudi ba bantši?
PHAFOGA!
Go Etela Nicaragua
Ke naga e nnoši yeo e nago le letsha la meetse ao a se nago letswai ao a nago le diphedi tša ka lewatleng tše bjalo ka dišaka, swordfish le hlapi yeo e bitšwago tarpon.
