ŁA DAHANEʼ t’áá íídą́ą́ʼ yíníłtaʼii éí yéigo achʼįʼ hwídiiʼnaago, doo chohooʼı̨́ı̨́góó tiʼhojiyoonih. Nił hazʼą́ągi ákótʼéego shı̨́ı̨́ łahda tʼáadoo biniyéhígo hinishná hwiindzin łeh. Tʼáadoo shika oolyeedí da shı̨́ı̨́ hwiindzin doo. Diyin God éí t’áá aaníí nichʼįʼ nahwiiʼnánígíí yaa ákonízin. Beʼawééʼ nilı̨́įgo nihaa nitsikees.

Psalm 86 yikʼeʼashchíinii Diyin yaʼólíigo kódííniid, “Shichʼįʼ hodiisʼnááʼ bijı̨́įdi nániideeshkąął, háálá shichʼįʼ énáhodíísįįł.” (Psalm 86:7) Ákondi łahda shı̨́ı̨́ kwíizhnízin łeh, ‘Shichʼįʼ nahwiiʼnáago haash yitʼéego God “shichʼįʼ énáhodíísįįł”?’

Díí baa ákoniidzin doo, Diyin éí doo t’áá hooshchʼįʼ nihichʼįʼ anáhóótʼiʼii nahjįʼ kwíidoolííł da. Ákondi Bizaad éí t’áá aaníigo nintsékees dóó nijéí yaa áhályą́ą doo. “Tʼáadoo haʼátʼíhída nihidaʼdiiłʼáhí, nidi ahééh danohsingo tʼáá ałtsojįʼ sodizin índa náʼookąąh bee deínóhkeedígíí Diyin God bił béédahonohsin leʼ. Áko Diyin God bitsʼą́ą́dę́ę́ʼ bee achʼįʼ hózhǫ́ náhásdlı̨́įʼii, akʼidiʼyiitįįh tʼáá ałtso yiláahdi átʼéii, éí Christ Jesus bee nihijéí índa nihintsékees yaa áhályą́ą doo.” (Philippians 4:​6,7) Kodóó ła Diyin Bizaad biiʼ daasdzohʼii, haitʼéego Diyin nihaa joobaʼii nihichʼįʼ ííshjání ííłʼíníí baa íhwidííłʼááł.

“Diyin God tʼááłáʼí nidi doo yaa yoonéeh da. . . . Tsídiiłbáhí tʼóó ahayóí nidi biláahgo danohłı̨́.”—Luke 12:​6, 7.

BAA NITSÍNÍKEES: Tsídiiłbáhí doo ílı̨́įgo baa nitsáhákees ndi Diyin éí bił nilı̨́. Jó Diyin God éí tʼááłáʼí ndi doo yaa yoonééh da. T’áá ałtso dahiinánígíí bił nilı̨́. Ákondi bílaʼashdlaʼii éí nahasdzáán bikáaʼgi naaldeehii aláahdi ílı̨́įgo yaa nitsikees jó diné éí Diyin t’áá bináłtʼéego áyiilaa. Diyin át’éegi bílaʼashdlaʼii ałdóʼ ákótʼé, hweʼayóóʼóʼóʼniʼ dóó ajoobaʼ hwéédaʼhólǫ́.—Genesis 1:​26, 27.

“Bóhólníihii nílíinii, hashíínísid áádóó shééhonísin! . . . Baa nitsískeesii bikʼidiʼyítįįh . . . Shínítáahgo shintsíkees átʼéii nił bééhoozı̨́ı̨́ʼ!”—Psalm 139:​1, 2, 23.

BAA NITSÍNÍKEES: Diyin God éí nééhósin, ánítʼéhígíí doo baa hólneʼ da ndi, nidiiłaʼígíí yaa ákonízin. Náánáłaʼ, éí ánítʼéhígíí doo tʼáá átʼé bił béédahozin da. Ákondi Diyin éí naa nitsikees dóó níká adeeshwoł nízin. Éí biniinaa iiná ílı̨́įgo átʼé.

“Bóhólníihii nílíinii, shisodizin shá diitsʼı̨́ı̨́h! Nánooshkąąhígíí bíniʼdii didíítsʼı̨́ı̨́ł! . . . Shichʼįʼ dah díníitʼaah; nánooshkąąhgo tʼáá tsı̨́łígo shichʼįʼ ééhodíísįįł! . . . Téʼéʼı̨́ danilíinii dabisodizin bił nilı̨́ı̨́ nítʼééʼ.”—Psalm 102:​1, 2, 17.

BAA NITSÍNÍKEES: Bílaʼashdlaʼii bichʼįʼ hodiisnáádóó Jiihóvah éí diné yaa atínídadindleehii hashtʼeʼnihízííd nahalin. (Psalm 56:8) Ninákʼeeshtoʼ dóó baa atíńdindleehii yénálniih.

“Tʼáadoo yéego nąąh nááhákaʼí, háálá niDiyin God nishłı̨́; nidziilgo ándeeshłííł; tʼáá aaníí, níká adeeshwoł . . . Háálá shí Bóhólníihii niDiyin God nishłíinii . . . kóndishníi doo, Tʼáadoo nił yéʼí; níká adeeshwoł.”—Isaiah 41:​10, 13.

BAA NITSÍNÍKEES: Haʼíínilninígíí yaa kódzaago Jiihóvah tʼáá ákǫ́ǫ́ níká adoolwoł.

“Háálá Diyin God éí nihokááʼ dineʼé tʼáá íiyisí ayóóʼájóʼníigo bąą haYeʼ tʼááłáʼí há yizhchínígíí baazhníłtı̨́, áko tʼáá háiida boodlą́ągo baa dzólíhígíí éí doo ádoodįįł da, nidi iiná doo ninítʼiʼii bee hólǫ́ǫ dooleeł.”—John 3:16.

BAA NITSÍNÍKEES: Diyin háshineeʼ noʼníigo tʼáá bí íinízingo biyeʼ Jesus nihá nayiisniiʼ. Éí biniinaa iiná ílı̨́įgo hoolʼáágóó bee nidaʼdiildįįł. a