Ruhanga Naakufaho
BAIBULI erimu obuhabuzi oburikukirayo oburungi obw’eby’omwoyo. Ti kitabo ekirikukwata aha by’obujanjabi, kwonka nikibaasa kutuhwera omu miringo mingi kwemera embeera zigumire, nk’okurahuka kugira ekiniga, okwehurira kubi, amagara mabi n’endwara z’omutwe.
Ekirungi munonga, Baibuli neetuhamiza ngu Omuhangi waitu, Yehova Ruhanga, a naamanya gye ebiteekateeko byaitu n’enyehurira zaitu kutukira. Ayeteekateekire kutuhwera kwemera oburemeezi bw’emiringo yoona. Yetegyereze ebyahandiikirwe bibiri ebi ebirikuhuumuriza:
‘[Yehova] ari haihi ab’emitima ehendekire, naajuna ab’omutima ogweteisiize kimwe.’—ZAABURI 34:18.
‘Nyowe, [Yehova] Ruhanga waawe, ninyija kukukwata omukono gwa buryo, nkugire nti: Otatiina, naija kukuhwera’—ISAAYA 41:13.
Kwonka shi Yehova naatuhwera ata kwemera endwara z’omutwe? Nk’oku turikuza kureeba omu bicweka ebirikukurataho, Yehova naayoreka ngu buzima naatufaho omu miringo mingi.
a Yehova n’eiziina rya Ruhanga.—Zaaburi 83:18.
