Proverbio 8:1-36
8 Agta ontatawag so karunongan?
Agta onkekelyaw so pakatebek?+
2 Diad atagey iran pasen+ ed abay na karsada,Diad saray nansangaan et sikatoy inmalagey.
3 Diad abay na saray puerta a paonlad syudad,Diad saray entrada na saray loloobanEt sikatoy ontatawag a maksil:+
4 “Ontatawag ak ed sikayo ran totoo;Onkekelyaw ak ed balang sakey.*
5 Sikayo ran andiay kakabatan, aral yoy pakatebek;+Sikayo ran makulangkulang, onggamor kayo na puson makatalos.*
6 Dengel kayo, ta importante so ibabagak,Ibabalikas na bibil ko no antoy duga;
7 Ta say sangik et mauy-uyamon mansasalita na katuaan,Tan say bibil ko et kabusol toy kaugsan.
8 Amin a sasalitaen na sangik et inkatunong.
Anggapo ed saratan so pikewet odino katilaan.
9 Amin iratan et malinew ed toon makatebekTan duga ed saramay akaromog ed kakabatan.
10 Awat yoy disiplinak aliwan say pilak,Tan say kakabatan imbes a say sankaabigan a klase na balitok,+
11 Ta say karunongan et magmaong ni nen saray korales;*Agnikompara ed satan so arum nin pipirawaten a bengatla.
12 Siak a karunongan et manaayam a kaiba na pakatebek;Aromog koy kakabatan tan say abilidad a mannonot.+
13 Say takot ed si Jehova et kabaliksan toy pamusol ed mauges.+
Kabusol koy panangipaatagey ed sarili tan panagpasirayew+ tan mauges a dalan tan mapalikdon panagsalita.+
14 Walaan ak na maabig a simbawa tan makanan karunongan;+Kien ko so pakatalos+ tan pakayari.+
15 Diad panamegley ko et mantutultuloy so panuuley na arari,Tan manggagawa na matunong iran ganggan iray atagey ya opisyal.+
16 Diad panamegley ko et mantutultuloy so panuuley na saray prinsipe,Tan saray manuley et manguukom diad inkatunong.
17 Inarok iramay mangaaro ed siak,Tan saramay manaanap ed siak et naromog da ak.+
18 Walad siak iray kayamanan tan gloria,Say manbayag a kayamanan* tan inkatunong.
19 Say bungak et magmaong ni nen say balitok, anggan say pinapuron balitok,Tan say papawalaen ko et magmaong ni nen say sankaabigan a klase na pilak.+
20 Manaakar ak ed basbas na inkatunong,Diad pegley na saray dalan na hustisya;
21 Iikdan ko na baleg a tawir iramay mangaaro ed siak,Tan papanoen ko ray kamalir da.
22 Pinawala ak nen Jehova bilang gapoan na impamalsa to,+Say sankaunaan ed saray agawaan to nensaman.+
23 Impasen ak la manlapu ni nensaman a panaon,*+Manlapu lad gapo, diad saray panaon antis nin niletneg so dalin.+
24 Niyanak ak la* sanen anggapo ni ray araralem a danum,+Sanen anggapo ni ray subol a manlepleppuay danum da.
25 Antis nin nipasen iray palandey,Antis nin nipasen iray pukdol et niyanak ak la,
26 Sanen agto ni ginawa so dalin tan saray uma ditanOdino saray sankaunaan a tibagkol diad dalin.
27 Wadman ak sanen imparaan toy katawenan;+Sanen angigulis na ketegan* diad tapew na saray danum,+
28 Sanen impasen* tod tagey iray lurem,Sanen inletneg to ray subol na kaaralman,
29 Sanen angiter na ganggan ed dayatA saray danum na satan et agnayarin onlampas ed imbaga to,+Sanen inletneg* to ray pundasyon na dalin,
30 Diad saman et wala ak ed abay to bilang marundunong a komikimey.+
Siak so nagkalalon panliliketan to+ ed kada agew;Malikeliket ak a naynay ed arapan to;+
31 Panggagayagaan koy dalin a panayaman na totoo,Tan say nagkalalo lan panliliketan ko et saray anak na totoo.
32 Et natan, ananak ko, dengel yo ak;On, maliket iramay ontutumbok ed saray dalan ko.
33 Dengel kayo ed disiplina+ tan magmaliw kayon marunong,Tan agyon balot ibabaliwala itan.
34 Maliket so toon ondedengel ed siakDiad isasabi ton masakbay* ed saray puertak ya inagew-agew,Diad panaalagar to ed abay na saray lusek na puertak;
35 Ta samay manaanap ed siak et naromog toy bilay,+Tan nagamoran toy panangabobon nen Jehova.
36 Balet samay mangibabaliwala ed siak et sasakitan toy sarili to,*Tan saramay mamubusol ed siak et aaroen day ipapatey.”+
Paimanod leksab
^ Literal, “ed saray ananak a lalaki na totoo.”
^ Literal, “talosan yoy puso.”
^ Odino “Saray tawir a prinsipyo.”
^ Odino “manlapud panaon ya ag-amta.”
^ Odino “Impaway ak a singa walay kaiba ton panagpasakit.”
^ Literal, “malimpek.”
^ Literal, “pinabiskeg.”
^ Odino “ingganggan.”
^ Odino “Diad pansiasiansia ton aliing.”
^ Odino “kamarerwa to.”
