Ta normal pa nos haci nos mes e pregunta aki, vooral ora nos perde un ser keri. Bijbel ta bisa: “E puy cu ta produci morto ta pica.”​—1 Corintionan 15:56.

Dicon hende ta peca y ta muri?

 E prome hendenan, Adam y Eva, a perde nan bida pasobra nan a peca contra Dios. (Genesis 3:17-19) Ta un cos so e rebelion ey contra Dios por a hiba na dje, esta morto pasobra Dios ta “e fuente di bida.”​—Salmonan 36:9, Beibel Santu; Genesis 2:17.

 Adam a pasa e imperfeccion cu pica ta trece cu ne pa su descendientenan. Bijbel ta bisa: “Piká a drenta mundu via un solo hende i pa via di piká a bini morto. Di e manera ei piká a plama entre tur hende, pasobra tur tur hende a hasi piká.” (Romanonan 5:12, Beibel na papiamentu koriente) Pues, tur hende ta muri pasobra tur ta pecador.​—Romanonan 3:23.

Con Dios lo caba cu morto?

 Dios a priminti cu lo yega e dia cu “e lo traga morto pa semper.” (Isaias 25:8, Beibel Santu) Pa caba cu morto, e mester elimina su raiz, esta, pica. Dios lo haci esaki pa medio di Hesucristo, kende lo “kita pica di mundo!”​—Juan 1:29; 1 Juan 1:7.