TÓPIKO PRINSIPAL | BO POR TA AMIGU DI DIOS
No Tin Nada Mihó Ku Esaki
Kiko bo por hasi pa bo bira amigu di Dios? Nos a trata e siguiente pasonan ku bo mester dal pa bo por tin un bon amistat ku Dios:
-
Konosé i usa e nòmber di Dios, Yehova.
-
Papia regularmente ku Dios pa medio di orashon i un estudio di su Palabra, Beibel.
-
Semper hasi loke e ta pidi nos.
Pa bo bira amigu di Dios, usa su nòmber, hasi orashon na dje, studia su Palabra i hasi loke ta agrad’é
Bo ta haña ku bo ta tumando e pasonan nesesario akí pa hala serka Dios? Òf bo ta sinti ku bo tin ku mehorá den algun di nan? Ta di komprondé ku esaki ta eksigí esfuerso, pero pensa riba e benefisionan ku lo bo haña.
Jennifer, di Merka, a bisa: “Kada esfuerso ku nos hasi pa kultivá un bon amistat ku Dios ta bale la pena. E amistat akí ta trese hopi bendishon: Nos lo haña mas konfiansa den Dios, nos lo komprondé su personalidat mihó, i mas ku tur kos, nos lo tin mas amor p’e. No tin nada mihó ku esaki!”
Si bo ke disfrutá di un bon amistat ku Dios, Testigunan di Yehova gustosamente lo yuda bo. Nan ta duna bo lès di Beibel grátis. Tambe bo ta bon biní na nos reunionnan semanal na e Salòn di Reino mas serka di bo. Einan bo por disfrutá di asosiashon ku personanan ku ta balorá nan amistat ku Dios. * Si bo hasi tur esaki, ku tempu bo tambe lo por bisa meskos ku e salmista: “Pa loke ta ami, ta bon pa mi keda serka di Dios.”—Salmo 73:28.
^ par. 9 Si bo ke studia Beibel òf ke sa kua ta e Salòn di Reino mas serka di bo, papia ku e persona ku a duna bo e revista akí òf bishitá nos website, www.mt711.com/pap. Bai te abou na e página inisial i skohe e opshon ku bo ta deseá bou di TUMA KONTAKTO KU NOS.
Otro Artíkulo Interesante
PREGUNTA KU HOPI HENDE SA HASI
Kon un Kurso di Beibel Ku Testigunan di Yehova Ta Bai?
Pa sigui un kurso di Beibel interaktivo grátis ku Testigunan di Yehova, bo por usa kualke tradukshon di Beibel ku bo ta preferá. Sinti bo liber pa invitá henter bo famia òf kualke amigu pa sigui e kurso di Beibel huntu ku bo.
