De Welt es gaunz dral – Waut kaun die halpen?
Es die daut nu uk väl schwanda wäajen aule Trubbels, waut daut nu en de Welt jeft? Jeft daut en diene Jäajent uk soone Trubbels, aus hia oppjerieecht sent?
Kjrich
äwaschlonende Krankheiten
Owwadasch
Oamoot
jewesse Menschen veachten
Vebräakjen
Wan doa waut schlemmet passieet, feelen väl Menschen sikj äwafoddat un onen Hopninj. Eenje, waut soo waut beläwen, feelen ennalich nuscht mea. Wan wäa een Ojjlekj beläft haft un sikj soo feelt un dan noch äwafoddat es, daut moakt de gaunze Sach bloos noch schlemma.
En dise drale Welt motst du sea no dise Sachen oppaussen: diene leewe Aunjehieeje, diene Jesuntheit, daut, waut du toom Läwen brukst un waut die schaftich moakt.
Waut kaust du nu doonen, om die selfst to beschitzen fa dise drale Welt?
