اِک اُستاد دی مدد نال بائبل کورس
خوشیاں بھری زندگی پاؤ
ایس دلچسپ بائبل کورس چ توانوں بوہت سارے سوالاں دے جواب مِلن گے جیویں کہ:
میری زندگی چ خوشیاں کیویں آ سکدیاں نیں؟
کیہہ بُرائی تے دُکھ کدی ختم ہون گے؟
کیہہ میں اپنے اوہناں عزیزاں نُوں دُبارہ مِل سکاں گا جیہڑے فوت ہو گئے نیں؟
کیہہ خدا نُوں واقعی میری کوئی فکر ہے وے؟
دُعا کرن دا صحی طریقہ کیہہ اے تے کیہہ خدا واقعی میریاں دُعاواں سُن دا اے؟
ایہہ کورس بالکل مُفت اے
ایہہ کورس کرن لئی توانوں کوئی پیسے نئیں دینے پین گے۔ ایہدے لئی استمال ہون والی کتاب وی توانوں بالکل مُفت ملے گی جدا ناں اے، ”خوشیاں بھری زندگی پاؤ—ہُن تے ہمیشاں تک۔“ جے توانوں بائبل چاہی دی اے تے اوہ وی توانوں دِتی جائے گی۔
تواڈی سہولت مطابق کورس
تُسی ایہہ کورس اپنے اُستاد نال بیٹھ کے یاں فیر ویڈیو کال دے ذریعے وی کر سکدے او۔ وقت تے جگہ تُسی اپنی سہولت مطابق چُن سکدے او۔
کوئی مجبوری نئیں
تُسی ایس کورس نُوں کسے وی ویلے بند کر سکدے او۔ کورس شروع کرن دا ایہہ مطلب نئیں کہ توانوں یہوواہ دا گواہ بننا ای پئے گا۔
ایہہ کورس کیویں کرایا جائے گا؟
اِک اُستاد ترتیبوار فرق فرق موضوعاں تے تواڈے نال گل بات کر کے توانوں بائبل چوں تلیم دَوے گا۔ کتاب ”خوشیاں بھری زندگی پاؤ—ہُن تے ہمیشاں تک“ دے ذریعے تُسی ہولی ہولی جان جاؤ گے کہ بائبل دا پیغام کیہہ اے تے ایہہ تواڈی مدد کیویں کر سکدی اے۔ ہور جانن لئی ایس ویڈیو نُوں ویکھو یاں فیر اوہناں سوالاں تے غور کرو جیہڑے لوک ایس کورس بارے اکثر پچھدے نیں۔
کیہہ تُسی ایس کورس دے کجھ سبقاں نُوں پہلاں توں ویکھنا چاہندے او؟
ایس کورس دے پہلے کجھ سبقاں نُوں ویکھ۔
کیہہ تُسی کورس لئی تیار او؟
بائبل کورس لئی پہلی ملاقات دا وقت طے کرن لئی ایس بٹن تے کلک کرو۔