¿Jehovaj testigosnin prohibinkuchu ima peliculatapis, takiytapis chayri ima librotapis?
Mana. Noqaykoqa ima peliculastachus, ima takiykunastachus, ima librostachus mana uj listapi jina ajllaykuchu. ¿Imaraykú?
Biblia sutʼinchan, tukuyninchej yachananchej tiyan ajllayta, imachus allin kajta mana allin kajtawan (Hebreos 5:14).
Bibliapeqa ashkha yuyaychaykuna tiyan. Mayqenkunachus yanapariwayku sonqota kusirichinapaj, allin imasta ajllananpaj ima. a Efesios 5:10 nin : “Allinta reparaychej imachus Señorta kusichinanta”, nispa, chaytataj kausayniykupi kasukuyta, ruwayta ima munayku.
Diosqa familiamanta umaman kamachinanpaj uj chhika atiyta qorqa, ajinamanta familiankupaj atinkuman ajllayta imatapis qhesachanankupaj (1 Corintios 11:3; Efesios 6:1-4). Chaywanpis tantakuyniykupeqa, ni piman atiyta qokunchu ima peliculastachus, ima takiykunastachus, ima rejsisqas runastachus qhesachanankupaj. Nitaj yuyayninman jina ruwanankupaj tanqankuchu (Gálatas 6:4, 5).
a Sutʼincharinapaj, Bibliaqa juchachan layqerioskunata, khuchichakuykunata chantá maqanakuykunatawan. Chayrayku imallapis kaykunawan chhapusqa kanman chayqa mana allinchu kanman (Deuteronomio 18:10-13; Efesios 5:3; Colosenses 3:8).
Kaykunatapis qhawaykurillawajtaj
DIBUJASQA VIDEOS
Videojuegospi pujllaymanta allinta qhawakuy
Videojuegosqa kusirichiwasunman. Chaywanpis chaywan pujllaspalla kasunman chayqa chʼampaykunapi rikukusunman. Mana chayman chayanapaj, ¿imatá ruwasunman?
BIBLIAJ YACHACHIYKUNASNIN
Bibliamanta yachakuy
Jehovaj testigosnenqa Bibliamanta gratis yachachiyku.