TAPANMANTA | DIOSMAN QAYLLAYKUYTA ATINCHEJ
¿Diosman qayllaykuyta atisunmanchu?
GHANA SUYUMANTA UJ JOVEN, CHRISTOPHER: “Diospa qayllanpi kaspaqa, ni imamanta manchachikunchejchu. Imajtinchus Payqa yanapanawanchejpajpacha qhawamushawanchej, allinninchejtataj munan.”
ESTADOS UNIDOSMANTA HANNAH, 13 WATAYOJ: “Diosqa llakiypi kashajtinchej mana qonqarpawanchejchu, maytataj khuyakuwanchej.”
JAMAICA SUYUMANTA GINA, 45 WATAYOJ: “Diospa qayllanpi kaspaqa ni imata manchachikuspa kausakuni, chaytaj ni imawan kikinchakunchu.”
Ashkha runasqa Christopher, Gina chantá Hannah jinallataj, Diosman qayllaykuyta atisqankuta yachanku. ¿Qanrí ima niwajtaj? ¿Diosman qayllaykuyta munawajchu? Ichá niwaj: “Jina juchasapa runa kaspapis, ¿Tukuy Atiyniyoj Diosman qayllaykuyta atiymanchu?”, nispa.
DIOSMAN QAYLLAYKUYTA ATINCHEJ
Bibliaqa Diosman qayllaykuyta atisqanchejta nin. Kay Isaías 41:8 versiculopi, Diosqa israelitaspa jatun tatanku Abrahamta ‘kausaqenpaj’ qhawasqanta nin. Chantapis Santiago 4:8 nin: “Diosman astawan qayllaykuychej; paypis qayllamusonqachej”, nispa. Rikunchej jina runasqa Payman qayllaykuyta atinchej. Jinapis, ¿imaynatá Diosman qayllaykusunman, payta mana rikuspapis?
Chay tapuyman kutichinapajqa, kaypi tʼukuriy: Noqanchejqa pillawanpis amigosta ruwakunapajqa, sutisninchejtaraj willanarikunchej, sapa kuti parlarinakunchej, yuyaycharinakunchej, kallpacharinakunchej, purajmantataj yanaparinakunchej. Diosman qayllaykunanchejpajpis kikillantataj ruwananchej tiyan. Chaymanta astawan qhawarina.
Kaykunatapis qhawaykurillawajtaj
TORREMANTA QHAWAJ
¿Diospa sutinta rejsinchejchu, oqharinchejtajchu?
Diosqa sutinta Biblianejta willawanchej: “Ñoka Jehová cani, chayka sutiymin”, nispa.
