JW LIBRARY
Publicacionesta uraqachiy, waqaychaytaj (Android)
Kay JW Library nisqa programapi tiyan libros, folletos, tratados, videos ima leenapaj, qhawanapaj ima mana Internetman yaykuspalla.
Kay urapi nikusqanman jina ruway publicacionesta uraqachinaykipaj, waqaychanaykipajtaj:
¿Imaynatá uj publicacionta uraqachiwaj?
Mana Internetman yaykuspalla, ashkha publicacionesta uraqachiy leenaykipaj, estudianapaj ima.
Lloqʼe ladomanta dedoykiwan aysaspa Publicaciones nin chayman ñitʼiy ima publicacioneschus kasqanta rikunaykipaj.
Idiomas nin chayman ñitʼiy ima parlaykunapichus kasqan publicaciones rikhurinanpaj. Mayqen parlayllatapis ajllay. Ima parlaykunatachus kunallanraj qhawanki, chaykuna listapi jina ñaupajta rikhurin. Chay listapi uj parlayta tarinaykipaj, ima parlaytachus munasqaykita qhelqaspa tarillawajtaj.
JW Library nisqa programapi waj jinasmantapis publicacionesta maskʼallawajtaj.
Categorias nin chayta ñitʼijtiyki ima publicacioneschus kasqanman jina tʼaqasqa rikhurin, libros, tratados, chayri videos. Mayqellantapis ñitʼispa ajllawaj, Torremanta Qhawaj revistata ima watamantachus munasqaykiman jina, chayri videosta. Todas las categorías nisqaman ñitʼiy qallariynin listaman kutinaykipaj.
Lo nuevo nin chaypeqa mosoj publicaciones tiyan.
Manaraj uraqachikusqan publicacionespeqa uj phuyitu jina rikhurin. Chay publicacionpi ñitʼispa uraqachiy. Uraqachejtiykitaj chay phuyitu chinkaponqa. Watejmantataj publicacionta ñitʼiy leenaykipaj.
Descargado nin chaypeqa rikhurin ima parlaykunapichus uraqachisqayki publicaciones. Kayman ñitʼispa imaynatachus leenaykipaj ajllay Las que más usa, Las que menos usa, chayri Tamaño.
¿Imaynatá uj publicacionta borrarpawaj?
Uj publicacionta manaña necesitajtiyki borrarpallawaj, chayri tabletayki, chayri celularniyki ancha juntʼaña kajtin borrarpallawajtaj.
Chaypajqa pantallapi lloqʼe ladomanta dedoykiwan aysarispa Publicaciones nisqaman ñitʼiy, chantá mayqellantapis ajllay (ichapis Libros nin chayta ajllawaj) publicacionesta uj listapi jina qhawanaykipaj. Ima publicaciontachus manaña munankichu tabletaykipi, celulayniykipi chayqa, chay publicacionpa laditunpi kinsa puntitus tiyan chayman ñitʼiy, chantá Borrar nisqata nitʼillaytaj.
Tabletayki chayri celularniyki mana ancha juntʼa kananpaj borrawaj mayqen publicacionestachus pisita leenki chayri jatuchaj kajkunata. Descargado nin chayman yaykuspa Las que menos usa chayri Tamaño nin chayman jina ajllawaj.
¿Imaynatá allinchakusqan publicacionta watejmanta uraqachiwaj?
Wakin kuti rikhurenqa uraqachisqayki publicación allinchakusqan.
Uj publicación allinchakun chayqa, chay laditunpi flechitas jina rikhurin. Publicacionpi ñitʼijtiykitaj uj mensaje rikhurin. Descargar ahora nin, chaypi ñitʼiy allinchakunanpaj chayri Descargar después nin chayman ñitʼiy kapususqan publicacionta leenallaykipajpuni.
Uj publicación allinchakusqanta yachanaykipajqa pantallapi dedoykiwan lloqʼe ladomanta aysarispa Publicación nin chayman ñitʼiy. Uj publicación allinchakun chayqa Actualizaciones pendientes nin chaypi rikhurenqa. Chaypitaj ñitʼiy ima publicacionchus allinchakusqanta yachanaykipaj. Chay publicacionpi ñitʼiy allinchakunanpaj, mana chayri pantallapi pata kantitupi flechitaman ñitʼiy tukuynin allinchakusqan publicacionesta uraqachinaykipaj.
Kay imasqa 2015 febrero killapi llojsimorqa JW Library 1.4 nisqawan. Chaytaj qochin sistema operativo Android 2.3 nisqapi chayri aswan mosoj llojsimojkunapi. Sichus celularniykipi chayri tabletaykipi mana qochinchu chayqa, “JW Library nisqa programata rejsiy (Android)” nisqaman yaykuy. Chaypitaj “Actualización” nisqata maskʼay.
