Molom tzij: Ri testigos rech Jehová kkibʼan ta ri Navidad rumal che kekojon ta chrij ri Jesús.

 Ri qastzij: Ri oj cristianos qas qetaʼm che xaq xiw rumal ri Cristo kojkunik kqariq kolotajem (Hechos 4:12).

Molom tzij: Kkijach kiwach ri familias y kkibʼij chke che kkibʼan ta ri Navidad.

 Ri qastzij: Sibʼalaj nim ubʼanik ri familia chqawach; kqakʼutu y kqabʼan ri kubʼij ri Biblia rech ri familias kkiriq utzilal.

Molom tzij: Ri testigos rech Jehová kekikot ta pa taq ri «qʼij re Navidad», kesipan taj, kkiriq ta jamaril y ri utzilal che kriqtaj pa wajun qʼij riʼ.

 Ri qastzij: Kqakoj qachuqʼabʼ rech kʼo utzilal chqaxoʼl y ronojel taq qʼij kojsipanik (Proverbios 11:25; Romanos 12:18). Jun kʼutbʼal, kmol ta pwaq pa taq ri qariqbʼal ibʼ y kqataʼ ta pwaq chke ri winaq are chiʼ kqatzijoj ri utzij ri Dios, rumal che kqanimaj ri taqanik che xuya ri Jesús: «Man kʼo ta xiya che ri xikʼamo; chiyaʼ kʼu chke ri winaq, man kʼo ta jas kitoqʼij chke» (Mateo 10:8). Y kqabʼij chke ri winaq che xaq xiw ri uQʼatbʼal tzij ri Dios kkunik kukʼam lo jamaril (Mateo 10:7).

•   Ri Jesús xubʼij che are knaʼtax ri ukamikal, are ta ri qʼij che xalaxik (Lucas 22:19, 20).

•   Ri apóstoles y ri nabʼe taq cristianos xkibʼan ta ri Navidad. Junam rukʼ ri kubʼij ri Diccionario del cristianismo, wajun nimaqʼij riʼ «xmaj taj lo pa Roma pa taq ri junabʼ 330» pa taq ri qaqʼij, weneʼ más che 200 junabʼ are chiʼ kaminaq chi ri kʼisbʼal apóstol.

•   Kʼo ta kkʼutuwik che ri Jesús xalax pa 25 re diciembre; ri Biblia kubʼij taj jas fecha xkʼojiʼ ri Jesús.

•   Ri Dios utz ta kril ri Navidad, rumal che kʼo ubʼanik rukʼ ri kinaqʼatisabʼal ri winaq y kʼo ubʼanik kukʼ ri kojonem che qastzij taj (2 Corintios 6:17).

 E kʼi winaq che paneʼ ketaʼm che utz taj kbʼan ri Navidad y che xaq winaq xechomanik, are kʼu kkichomaj che awas ta ubʼanik y rumal che are laʼ ri kkibʼan ri nikʼaj chik.

 Ri Biblia kubʼij chqe che kqakoj ri qachomanik rech qas utz kqabʼan che uchaʼik ri kqaj kqabʼano (Romanos 12:1, 2). Xuqujeʼ kukʼut chqawach che nim kqil wi ri qastzij (Juan 4:23, 24). Rajawaxik nim kqil wi ri kkichomaj ri nikʼaj chik, are kʼu kqaj taj kqabʼan jun jastaq che utz ta kril ri Dios.

 Paneʼ kqabʼan ta ri Navidad, are kʼu keqataqchiʼj ta ri nikʼaj chik rech kkibʼan taj. Ri winaq are kechoʼw ri kkaj kkibʼano.