¿Jesusca tucui poderta charij Dioschu can?
Bibliaca caitami yachachin
Jesusta pꞌiñajcunaca paica yaya Dios shinami tucun nishpami juchachircacuna (Juan 5:18; 10:30-33). Shinapish Jesusca tucui poderta charij Diosmi cani nishpaca mana yachachircachu. Ashtahuanpish “Ñuca Yayaca ñucata yallimari” can nircami (Juan 14:28).
Jesusta punta catijcunaca Jesús tucui poderta charij Dios cashcataca mana yuyarcacunachu. Por ejemplo, apóstol Pabloca Jesús causarishca qꞌuipaca ‘Diosmi tucui ima tiyajcunapaj jahuapi jatunyachirca’ nircami. Pabloca Dios shina Jesús cashcata crishca cashpaca ¿ima shinataj Diosmi tucui ima tiyajcunapaj jahuapi jatunyachirca ninman carca? (Filipenses 2:9).