HUILLAJ Núm. 1, 2023 | Yuyaipi tranquilo sintiringapajmi Bibliaca ayudan
Muyundij allpapica jovenllacunapish, mayorllacunapish, cullquita charijcunapish o mana charijcunapish, estudiadocunapish, mana estudiadocunapish, maijan culturamanta cashpapish, ima religionta charishpapish maipica yallitaj llaquilla o sustarishcallami sintirincuna. ¿Yallitaj llaquilla o sustarishcalla purina ungüica ima shinataj llaquichin? Cai revistapimi cai laya ungüita charishpaca doctorcunahuan shuj alli tratamientota catina importante cashcata yachashun. Shinallataj cashna laya sufricujcunapajca Bibliapimi huaquin consejocunata ricushun.
Muyundij allpapimi achcacunaca yallitaj preocuparishca sintirincuna
Muyundij allpapimi maijancunaca dimastij llaquirina, sustarina ungüita charincuna. Shinapish Bibliami shungupi, yuyaipi tranquilo sintirichun ayudan.
Diosca canmantami preocuparin
¿Jehová Dios can ima shina sintirishcata intindij cashcataca imamantataj seguro cangui?
1 | Diosta mañai: ‘Cambaj tucui preocupacioncunataca paiman mingai’
¿Tucui cambaj preocupacioncunamantachu Diosta mañai tucunguilla? Yallitaj sustarishca cajcunapajca Diosta mañanami alli can.
2 | Bibliapi tiyaj yuyaicunami cushichin
Bibliapica shamuj punllacunapica llaquicunata ña mana yuyarinatami parlan.
3 | Bibliapi tiyaj experienciacuna
Bibliapica huaquin cꞌari huarmicunapish ñucanchij shina sintirishcatami parlan. Paicunapaj ejemplomanta yachashpami sololla, llaquillaca mana sintirishun.
4 | Bibliapica alli consejocunami tiyan
Bibliapaj consejocunapi cutin cutin yuyashpa, can rurai tucushcata rurashpaca mana yallitaj sustarishca o llaquilla causanguichu.
Yuyaipi yallitaj sustarishcacunata, llaquilla cajcunata ayudashunchij
Canca llaquilla o sustarishca caj amigocunatami achcata ayudai tucungui.
