“Bibliara leangaj ursarishcani, shinajpi shu yapa atun libro ashcamanda leana mana gustani” (Briana 15 huatayuj).

 ¿Canda shinallara tucushcachu? Shinasha cai tema cambajmi an.

•  ¿Imarasha Bibliara leana ashca valishca an?

•  ¿Imasnara Bibliara leana ushangui?

•  Imara iyanun shuj maltauna

 ¿Can quiringuichu Bibliara leana amichin? Chita quiringuichari Biblia dibujogunara illaj, ashca huaranga paginagunaras, letragunaras charij libro ashcamanda. ¡Randi televisionda, videogunaras ricuna mas gustangui!

 Shinajpi caita iyari: shu ashca valij cosasgunahua shu cofre nishcara tupashaga ¿imara ruranguima? ¿manzhu yapa valij ashcara iyarisha uctalla pascana munanguima?

 Biblia chi cofre cuintallara an. Chibi tupangaraungui yapa valij curi muyuuna cuinta valishca yachachishcaunara, canda yanapana ushanmi caita rurangaj:

•   Ali decisiongunara apingaj.

•   Camba yaya mamahua ali apanungaj.

•   Ali amigogunara tupangaj.

•   Mana yapa turbarishca causangaj.

 ¿Imasnara Biblia ñaupa libro ashas cuna timpui ñucanchira yanapana ushan? “Tucui Dios Quillcashca Diosmanda rimashca” ashcaraigu (2 Timoteo 3:16). Chita nisha nin Bibliai tiaj camachishcauna tucuira Ruraj Yaya Diosmanda shamun.

 Callarinamanda tucuringagama leangui. Shina leasha intiru Biblia ima yachachishcara yachangui. Rurangaj cai catij ishqui iyaigunara catina ushangui:

•    Intiru Bibliamanda 66 librogunara leai Genesismanda Apocalipsisgama.

•    Callarinamanda tucuringagama Biblia cuintashcaunara pasashca timpumanda leana ushangui.

 Caita rurai: Traducción del Nuevo Mundo Apéndice A7partii Jesús cai Allpai causajpi pagarina hurasmanda huañunagama paita ima pasangaraushcara tiaj listara ricui.

 Can maican charishca problemamanda shu Biblia cuintashcara leangaj ajllai. Por ejemplo:

•   ¿Ali amigogunara charina munanguichu paigunajpi confiangaj? Shina asha David, Jonatanmanda cuintashcara leai (1 Samuel, capítulo 18manda 20gama). Huasha, “Como encontrar amigos de verdad” nishca partii tiaj tapuigunara quillcasha cutipai, shina rasha chi cuintashcamanda yachashcara camba causaibi pactachina ushangui.

•   ¿Tintarinaunai mana urmangaj ursara charina munanguichu? José cuintashcamanda leana ushangui, yachangui imara rurarca mana tintarinai urmangaj (Génesis, capítulo 39). Huasha “Como resistir las tentaciones”, “Acusado falsamente” nishca temaguna partii tiaj tapuigunara quillcasha cutipai shina rasha valishca iyaigunara yachangui.

•   ¿Yachana munanguichu imasna oracionda rurana canda yanapana ushan? Nehemiasta ima tucushcara yachangaj leai (Nehemías, capítulo 2). Huasha “Jehová contestó su oración” nishca partii tiaj tapuigunara quillcasha cutipai shina rasha valishca iyaigunara yachangui.

 Caita rurai: Bibliara leangaj, shu ganaslla sintiringaj puistura mascai chita canda yanapangui leashcara iyarisha alira intindingaj.

 Shu Biblia runamanda cuintashcara, Salmos libromanda shu parti leai, huasha iyari imasna canda yanapana ushan. Leashca huasha cai catij tapuigunara tapuri:

•    ¿Imarasha Jehová cai shimiunara Bibliai quillcachishca?

•    Cai leashcara ¿imara yachachihuan Jehovamanda, pai rurana tunumandas?

•    Cai leashcara ¿imasnara ñuca causaibi yanapana ushan?

 Caita rurai: Bibliara leasha tucuchingaj ursari. “Bibliara leana programai”, leangaj callarina punzhara quillcai, cai programa ñucanchi pagina Internetpi tupana ushangui.