Ashca runauna ninun Cristora catijcuna anchi nij religionguna cruzta utilizana anun Diosta adurangaj. Shinajpi Jehovahuaj testigoguna Cristora catijcuna ashas cruzta mana utilizanchi shinallara mana aduranchi. ¿Imarasha?

 Ñaupa punda, Bibliai Jesús shu cruzpi huañushcara mana yachachishcamanda, maspas shu caspii huañushcara yachachin. Shinallara Dios cai mandashcara cun: “runa rashca diosta aduranamanda miticuichi”. Diosta adurangaj Cruzta utilizana runa rashca diosta adurana cuinta an (1 Corintios 10:14; 1 Juan 5:21).

 Astaun Jesusllara yachachica sirtu paita catijcuna ashcara ricuchingaj ima rurana ashcara, pai nica: “Caimanda tucui runauna canguna ñuca yachachishca runauna ajcunara ricsinaungami, canguna parijumanda llaquinanaupi” (Juan 13:34, 35). Shina asha, sirtu Jesusta catijcuna ashcara ricuchingaj cruzta, maican santogunara mana utilizanun, randi tucui runaunara llaquinara ricuchinun.