Askha runakunan problemanku allichakuyta atikurqanña chaypas wañuchikurqanku. Ichaqa hatun problemakunapiña tarikunki chaypas, chaykunaqa allichakunmanmi (qhaway  “Imayna tarikusqankun cambiarqan” nisqa recuadrota).

Ichaqa, ¿sichus problemakuna mana allichakunmanchu chayri? Kallpachakunanchismi pisi-pisimanta chayta allichanapaq. Jesusmi nirqan: “Ama llakipakuychischu paqarinmantaqa, paqarinpas llakikuyqa kallanqapunin. Sapa p’unchay llakikuyqa chay p’unchayllapaq kachun”, nispa (Mateo 6:34).

Yaqapaschá esposaykimanta otaq qosaykimanta t’aqakurqanki, nishutapaschá onqoshanki, munakusqayki runapaschá wañupurqan otaq ima problemaykipaschá kashan. Chhaynapi tarikushanki chayqa, ¿iman yanapasunkiman?

Manan lliw problemakunachu allichakunqa. Ichaqa yuyaykuwaqmi chay problemaykita hukniraymantañataq allichaypi. Chayta ruwaymi yanapasunki ama nishuta llakikunaykipaq (Proverbios 15:15). Chaymantapas yachawaqmi chay problemaykita aguantanaykipaq imakuna ruwayta, chhaynapin manaña wañuchikuypichu piensanki. Chayta ruwaspaqa reparankin hatun problemakuna mana sinchi sasachu kasqanta (Job 2:10).

AMA QONQAYCHU: Sichus huk problemaykita nishu sasapaq qhawarinki chayqa, huk orqotapas seqashawaq hinata kallpachakuy pisi-pisimanta chayta allichanaykipaq.

¿IMATAN RUWAWAQ? Imayna tarikusqaykimanta huk familiaykiwan otaq reqsisqayki runawan rimay. Paykunan yanapasunkikuman ama nishuta llakikunaykipaq (Proverbios 11:14).