JEHOVÁ DIOSPA testigonkunaq qelqa ruwasqankuqa manan yanqa-yanqa ruwasqachu, allintan planeanku, investiganku, redactanku ima. Departamento de Redacción nisqan kashan Nueva York llaqtapi, chaypin allinta revisakun exactochu kashan icha manachu ruwasqanku qelqa chayta, chaymantapas kunan tiempopi rimakusqan simikunawanmi qelqanku. * Chaymantataq qallarikun traduciyta.

Departamento de Redacción nisqamantan mundontinpi traductorkunaman traducinanku qelqakunata apachinku. Yaqa llapa traductorkunaqa llank’anku maypichus traducisqanku simita rimanku chay llaqtapin, wawa kasqankumantapachataq chay simita rimaranku. Traductorkunaqa allintan entiendenanku traducinankupaq qelqata, chaymantapas allintan yachananku ima simimanchus traducinqaku chay simita. ¡Rijch’ariy! revistan entrevistaran Gran Bretañamanta Geraint traductorta.

¿Imaynatan traducinkichis?

Geraint traductormi nin: “Juj equipon kayku, traducinayku ratoqa yanapanakuykun sasachakuykunata solucionanaykupaq. Chayta ruwanaykupaqqa manan palabrakunallatachu qhawariyku, aswanpas imatan yachachiyta munashan chaytawanmi. Chaymantapas imapaq ruwasqan kashan, pikunapaqmi ruwakamuran chaykunatan qhawarillaykutaq”.

 ¿Imatan traductorkuna leeqkunamanta munankichis?

“Traductorkunaqa munaykun leeqkuna rimasqanku simipipas qelqakuna ruwakamunman karan jinata qhawarinankuta. Manan traducisqapas kashanman jinatachu. Chaymi rimasqanku palabrakunata utilizayku facil-llata entiendenankupaq. Chhaynapi leeqqa astawanraq leeyta munanqa, gustasqan mijunapas kanman jinata saboreanqa”.

¿Imaynatan yanapasunkichis chay idiomata rimakusqan llaqtapipuni traduciy?

“Ancha allinmi traducisqayku simita rimakusqan llaqtapi tiyayqa. Gales llaqtapiqa sapa p’unchaymi uyariyku galés simita, chaywantaq yachayku traducisqaykupi rimasqanku palabrakunatachus utilizashayku chayta. Traducisqaykuqa kanan rimasqanku jinan, gustanankupaq jina, entiendenankupaq jina ima. Chay jinapin exacto kanqa traducisqayku”.

¿Imakunatan ruwankichis traducinaykichispaq?

“Sapanka qelqatan juj equipoman asignawanku. Traducinaykupaq qelqata allinta entiendenapaqqa sapankaykun leeyku, chaypin qhawariyku imayna ruwasqan kashan, pikunapaq, imamantan rimashan, imapaq ruwasqan kashan, imatan yachanankuta munayku chaykunata. Chaykunata qhawarispaqa piensaykun imayna traducinaykuta.

”Chaymantataq entiendesqaykumanta parlayku, chhaynapin jujkunamanta yachayku. Yachallaykutaq allintachus entiendeshayku chayta. Munaykun traducisqayku runakunaq sonqonman chayananta, imaynan chay qelqata preparamuqkuna munanku jinata”.

¿Imakunatan equipopi ruwankichis?

“Noqaykuqa munayku leeqkuna jujta leespalla entiendenankutan. Chaypaqmi askha kutita leeyku sapanka parrafokunata traducispa.

”Jujnin qelqashaqtinqa iskayqa computadoraykupin qhawashayku imata qelqashasqanta. Traducispaqa manan qechuykumanchu ideakunata nitaq yapaykumanpaschu, chaymantapas qhawariykun imaynata rimakun chayman jinachu qelqasqa kashan chayta, ortografiapas allinmi kanan. Chaymantataq jujniyku alto kunkawan leen traducisqa parrafota. Sichus leeshaspa pantan chayqa, qhawariykun imarayku chay  pasan chayta. Traduciyta tukuspañataq jujniyku wajmanta llapanta leen alto kunkawan, jujkunataq uyarispa anotayku imakunapi mejoranaykuta”.

¡Nishutan llank’ankichis!

“Arí, ch’isiyaqta traducispaykuqa sayk’usqan tukuyku. Chayraykun qhepantin p’unchayqa samasqa kashaspa jujmanta repasayku. Tukusqayku qhepa semanakunatan último cambiokuna chayamun. Chaypiqa wajmantan leellaykutaq. Tiempotaq pasarun chayqa reparakunmi imakunapiwanraqmi traducisqaykuta mejoraykuman chayta”.

¿Imakunawanmi yanapachikunkichis traducinaykichispaq?

“Computadoraqa manan atinraqchu tulluyoq aychayoq runakunaq ruwasqanta jina ruwaytaqa. Jehová Diospa llaqtanpin ichaqa ruwaranku imaymana herramientakunata traduciypi yanapawanankupaq. Jujninmi diccionario jina, utilizasqayku palabrakunatan chayman churayku. Chaymantapas kallantaqmi biblioteca digital nisqa, chaypin kashan traducisqayku qelqakuna. Chayta qhawaspan yachayku imaynatan ñaupaqpi sasa palabrakunata traducirayku chayta”.

¿Imaynatan qhawarinkichis traducisqaykichista?

“Leeqkunapaq juj regalota jinan, chaymi esforzakuyku allin traducisqa kananpaq. Kusikuykun sichus juj runaq sonqonman chayan revistaykuta leesqan, otaq internetpi direccionniykuman  jaykuspa vidankuta cambianku chayqa”, nispa.

Testigonkunaq qelqa ruwasqankutaqa mundontinpin runakuna rimasqanku simipi leenku. Llapa qelqakuna, videokuna, internetpi jw.org direccionpi kaqkunapas Bibliamanta allin consejokunan. Biblia yuyaychaqqa Jehová Diosmi, paymi munan “llapa nacionkunaman, ayllukunaman, rimaykunaman, llaqtakunamanwan” yachachikuynin chayananta (Apocalipsis 14:6). *