Imashina cangapaj munashcata seguro cashpaca, imata yuyashcata, imata crishcataca alimi yachapangui.

Imashina cangapaj munashcata seguro cashpaca, shuj jovengunapa munashcataca na ruranguichu.

Adrianga ninmi: “Ashtaca gentecunaca imapash muñeco cuendami can. Ima ropata churajunata agllaitapash na ushanllu. Shujcuna imata churajujtallami catin” nishpa.

Sandraca ninmi: “Shinlli cajpipash alita rurashpa catinatami yachajushcani. Ñuca imata yuyashcata respetajcunahuan llevarinatami gushtani” nishpa.

BIBLIAPICA NINMI: ‘Na cai pachapajtalla rurashpa cushijushpa causanachu canguichi. Cangunapaj yuyaita Dios mushujyachishcamandami, mushujta causana canguichi’ nishpa (Romanos 12:2).

Cunanbi imashina cashcata, jipacunaman imashina cangapaj munashcata yachangapaca, imata ali rurai ushashcata, imata na ali rurai ushashcata, imata crishcatami ricuna capangui. Cai cati tapuicunata ricupai

Pensaripai: “¿Imatata ali rurai ushani? ¿Controlarita ushanichu? ¿A tiempo chayanatachu yachani? ¿Trabajadorchu cani? ¿Na mitsashpa caranatachu gushtani?” nishpa.

CAITA RURAPAI: Quiquinllata ima cosascunata ali rurai ushashcata na cuenta japi ushashpaca, quiquinba taitamamata o shuj ali amigotami ayudahuai nita ushapangui.

BIBLIAPICA NINMI: “Alitachu rurajuni, nalitachu rurajuni nishpa, cangunallata yaringuichi. Shina yarishpami, na shujhuan chimbapurashpa, canguna imashina causashcatalla yarishpa, cushijuna canguichi” nishpa (Gálatas 6:4).

Pensaripai: “¿Imacunapita mejorana cani? ¿Ima ratocunapita nalita rurangapaj munani? ¿Ima ratocunapita controlarinata minishtini?” nishpa.

BIBLIAPICA NINMI: ‘“Jucha illajmi cani” nijushpaca, quiquinllatami umachirijungui’ nishpa (1 Juan 1:8).

Crishcacuna: “¿Ima yuyaicunatata charini? ¿Imamandata chai yuyaicunata charini? ¿Taita Diospi crinichu? ¿Imamandata Taita Dios tiashcata crini? ¿Imacunatata na alicachishpa ricuni? ¿Imamandata na alicachishpa ricuni? ¿Imashina causai tianatata crini?” nishpa.

BIBLIAPICA NINMI: ‘Ali yuyanami imamandapash cuidangami’ nishpa (Proverbios 2:11).