Gentecunapa yuyaicuna: Testigo de Jehovacunaca Jesuspi na crimandami Domingo de Pascua punllata na celebran.

 Bibliapa yachachishcacuna: Testigo de Jehovacunaca Jesuspica crinchimi. Ñucanchica Jesús ñucanchipa Salvador cajtami crinchi. Shinallata ‘pai imata rurashcata catingapami’ esforzarinchi (1 Pedro 2:21; Lucas 2:11).

 Gentecunapa yuyaicuna: Testigo de Jehovacunaca Jesús causarishcataca na crinllu.

 Bibliapa yachachishcacuna: Jesús causarishcataca crinchimi. Ashtahuanbachaca Jesús causarishcapi crina importantepacha cashcatami seguro capanchi. Incluso Jesús causarishcatapashmi gentecunamanga predicanchi (1 Corintios 15:3, 4, 12-15).

 Gentecunapa yuyaicuna: Testigo de Jehovacunaca paicunapa huahuacuna fiestacunata celebrachunga na saquinllu.

 Bibliapa yachachishcacuna: Ñucanchi huahuacunataca juyanchimi. Chaimandami huahuacuna cushilla causachun cabalta yachachingapaj esforzarinchi (Tito 2:4).

•   Bibliapica Domingo de Pascua nishcata celebrana cashcataimanga na yachachinllu.

•   Jesusca pai causarishcata celebrachunga na mandarcachu. Solo pai huañushca punllata yarichunllami mandarca. Testigo de Jehovacunaca judiocunapa calendariota catishpami cada huata Jesús huañushca punllata yarinchi (Lucas 22:19, 20).

•   Domingo de Pascua nishca punllataca punda tiempopi crishcacunata catishpami ruran. Pero Taita Diosca chaicunataca nalicachishpami ricun. Taita Diosca paitalla adorachun exigin Taita Diosmi can. Chaimandami pai nalicachishca cosascunata rurachunga nimamanda na munan (Éxodo 20:5; 1 Reyes 18:21).

 Bibliapi yachachishcata catimandami Domingo de Pascua punllataca na celebranchi. Bibliapica aliguta pensarishpa imatapash ali rurachunmi yachachin. Chaimi shujcuna rurashcata catina cashcamandallaca na catipanchi (Proverbios 3:21; Mateo 15:3). Pipash ñucanchi crishcacunamanda tapujpica cushijushpami villachipanchi. Shinallata cada uno imata decidina derechotapashmi respetapanchi (1 Pedro 3:15).